Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 46: Abi Yeriko ni Ri

A’diko 46: Abi Yeriko ni Ri

A’DU afa ni fe abi Yerikoni ’diyi o’de ni ya? Eri ena ekile mbumbu amboru ni onyo eyi ni le. Te ewu ’dasi ’ba ’diyi ovuni mbumbu be ku; ovuni vini osu be ku indi. Eri tali azini engazu Yehova vu ni i! Ama ma oni ’di a’du afa ’ye i niari.

Abi Yerikoni ’diyi o’de

Mi eri e’yo Yehovani ’yole Yosua niri: ‘Mi i azini ’ba mivile a’di ’diba ’diyi be, emi nga aku nderi ma agei aci kuru. Emi aci aku nderi ma agei kuru pale alu o’du alu ma alia o’du azia. Emi ma ‘du sanduku azizani ri emi be indi. Kuhani aziri ’diyi ma mu emi ma drilea ma nga guka vu.

‘O’du aziri ri si emi ma aci aku nderi kuru pale aziri. Vuti nia evu guka okposi biri biri azini, ’ba dria ma nga cere o’di ni ’be. Abi ni nga o’de va ceni!’

Yosua pi ’ba ’diyi pie nga e’yo Yehova ni ’yo ’diyi ’ye trotro erini ’yole rile. Eyi ni aci ria ’ba dria ovu ciri. ’Ba azi alu e’yo nze pi ni yo. Afa ’ba ni eco eri ra ’diyi guka ma o’duko azini pa acizu ’diri ma o’duko a’dule. Ariba ’ba Munguni ’diyi ni Yerikoa ri nga eca orisi. Mi eco baka ikaru awipi derisa ’dari ndre ra ya? Derisa ’dari a’di ni ya? Ee, Rahubu nga ye trotro ’ba ndindia azingapi iri ’diyi ni ndra ’yo eri ni ri le. ’Ba eri vile akua ’diyi dria eri be joa angu ndre ria.

Yosua

Asizu, O’du aziri ri si, eyi ni acizu pale aziri aku nde ma agei si kuru ’boria, guka wu, ’ba a’di ’di ’ba ’diyi be cere, abi nga di o’de ra. ’Da ma vutia Yosua nga ’yo kini: ‘Emi ma o’di ’ba woro aku ’diri ma alia ’diyi azini emi eve eyi woro. Emi ma eve afa da diyi woro woro. Emi ma opa dahabu, mele pie, mola pie, aya pie ’ba nga yi ji pari Yehovani lonyi ta mbazu ria.’

Yosua nga ’yo ’ba ndindia azi ngapi iri ’diyi dri kini: ‘Emi ma mu Rahabu vile akua emi ma eji eri ’ba eri vile ’diyi pie dria amve!’ Rahabu ovu pazaru ’ba ivile ’diyi pie dria, ekile ’ba ndindia azi ngapi ’diyini azile ri le.

Yoshua 6:1-25.



Zita ki

  • Yehova ’yo ’ba adi ’dipi ’diyi ni azini kuhani pie a’du afa ’yezu o’du azia ya?
  • Le agupi ’diyi ma ’ye a’du afani o’du aziri risi?
  • Mini ndrele e’da ma alea ri le, a’du afa ni i ’ye abi Yeriko ni ri be ni ya?
  • ’Ba ’i baka ikaru derisa ’da a’du ey’o si ya?
  • Yosua lu ’ba a’di ’dipi ’diyi ma ’ye ’ba dria ’da ’diyi a’duru aku ambo ’di be, te ma ’ye vini mele, dahabu azini cuma a’duru?
  • ’Ba iri ndindia azi ngapi ’diyi ni ’ba lu ma ’ye a’du afa ni ya?

Zita o’bazaru ’diyi ki

  • Mi la Yosua 6:​1-​25.

    Acita ’ba Israelini ’diyi ni acizu Yeriko ma kalasi kuru o’du aziri ri si tro tro e’yo oluza ’ba E’yo Eti Nzepi Yehovani ’diyi ni olu ewu asizu ’diyi si ri be risi ngoni ngoni ya? (Yos. 6:​15, 16; Isa. 60:22; Mat. 24:14; 1 Kor. 9:​16)

    E’yo ondriza Yosua 6:​26 ma alea ri nga i ’ye eli 500 ma vutia ngoni ngoni, azini ’di imba ama e’yo Yehovani ma dria ngoni? (1 Opi 16:34; Isa. 55:11)