Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 36: Kajomva Edele Melesi Ri

A’diko 36: Kajomva Edele Melesi Ri

KAKA! ’Ba ’di yi a’du ’ye ’ya? Eyi kajomva inzi! Eyi ’ye ’dini a’du e’yo si ya?

Musa ni o’aria oni dria ’dale o’du angiri si, ’ba nga ’yo kini: ‘Ama ni kini a’du afa ’ye i Musa be nia ri ku. Ama ma ede ki mungu ama dri cezu angu ’di ma alia risi amve.’

Musa ’be oni iri riki vaa

Musa ma adripi Aroni nga ’yo kini: ‘Muke emi ma otru mele imi dria ’diyi emi bia ’diyi pie emi eji eyi ma vu.’ ’Ba ’diyi ni ejizu ’bo ria, Aroni nga fe mele ’dini akazu acisi eri edezu kajomva ru. ’Ba nga ’yo kini: ‘’Diri Mungu amani, ama opapi engazu Misiria risi ri i!’ ’Ba Israelini nga omu amboru ba kajomva inzizu.

Yehova ni eyo ’diri ndrezu ’bo ria, a’oko nya eri saaru. Nga ’yo Musa ma tia: ‘Isi vaa mbele mbele. ’Ba ki ’yeta onzi ’dinile ri ’ye. ’Ba ’diyi avi azita mani ’diyi ’bo dika eyi sawa ’disi kumuti osi va kajomva edele melesi ri ma drilea.’

’Ba ki kajomva mele ru ri inzi

Musa nga isi oni dria ri si va mbele ru. Eri ni esiria va ’bo, ’di bani afa erini ndrele ri i. ’Ba yi ongo ngo azini ongo turia kajomva edele melesiri ma kala si kuru! A’oko ni Musa ni nyazu tu ri si, nga oni ima dria iri ’bani azita osizu drinia ’diyi a’be va, nga ki eyi onyo nyiri nyiri. Nga ’di kajomva nde ’di ’du ’be aci alia erini ecozu razu beni. ’Da ma vutia nga ki eri i fufura ru.

’Ba ’diyi ’ye afa onzi ’dinile ni. Musa nga ’yo ’ba azini ’diyi ni eyi ma ’du sei eyi ma dria. Musa nga ’yo dini: ‘Le ’ba onzi kajomva edele melesiri inzipi ’diyi ma odra ra.’ ’Ba nga ’ba 3,000 ’diyi o’di ra! ’Di eceni amani kini le ama ma inzi mungu azini inzo ru ’diyi ku pelu Yehova i a’dule ­ku ­ya?

Efuza 32:1-35.



Zita ki

  • I’da ’di ma alea, ’ba ’diyi a’du afa ’ye, azini a’du e’yo si ya?
  • Yehova ovu a’oko si a’dusi, azini Musa ’ye a’du afani eri ni ’ba ’diyi ndre ria e’yo ’diri ’ye ria?
  • Musa lu ’ba azi ’diyi ni ma ’ye a’du afa ’ya?
  • A’diko ’diri imba ama imbata ngoni le risi?

Zita o’bazaru ’diyi ki

  • Mi la Efuza 32:​1-​35.

    E’yo i ’yepi ’di ece asisile Yehova niri ngoni ’ba ka inzita enzoru ri pi eci inzita adaru ri be ria? (Efu. 32:​4-6, 10; 1 Kor. 10:​7, 11)

    Le ’ba Kristayo ru ’diyi ma ovu mile be, ka eca avita ayiko fepi ’bani ekile ongo ngoza azini ongo tuza pie ’diyi si ria adu ma eyo si ya? (Efu. 32:​18, 19; Efe. 5:​15, 16; 1 Yoh. 2:​15-​17)

    Suru Levini ri eceki geri kililiru pasozu e’yo a’daru ri ma alea ri ngoni ru ya? (Efu. 32:​25-​28; Zab. 18:25)