Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 35: Yehova Fe Azita Ini ’Diyi

A’diko 35: Yehova Fe Azita Ini ’Diyi

MBA iri eyi ni efuzu Misiria risi ’bo ri ma vutia, ’ba Israelini ni ecaki Oni Sinaia ’bani vini omve Horebu i ri ma dria. ’Diri vini angu alu ndra Yehova ni e’yo nzezu Musa be engazu oce vepi aci si ri ma alea ri. ’Ba ’diyi nga hema yini aso ’dia o’azu sawa were si.

’Ba ’diyi ni teria va oni etia, Musa nga tu oni dria. Oru oni dria ’dale, Yehova nga ’yo Musa ma tia I le ’ba Israelini ’diyi ma eri e’yo Ini ’yole eyini ’diyi ani eyi nga eca Ima ngulupi ma ’ba ru beni. Musa ni isizu va ’boria, nga ’ba Israelini ’diyi ni e’yo Yehovani ’yole ’diyi olu eyini. ’Ba nde nga omvi kini eyi nga Yehova ma ti eri ra, a’dusiku eyi le ovu ’ba erini ru ra.

Yehova nga di afa osutaru ni ’ye. Fe oni ma dria acika e’do nyi, azini fe ovini ofizu o’duko amboru si. Nga vini e’yo nze ’ba yi pie kini: ‘Ma Yehova Mungu emini, emi ofupi angu Misiri nia ri.’ Nga di azita fe: ‘Emi ma inzi mungu azini aluni ku pelu ma i.’

Oni ’bara ’bara iri ’diyi

Mungu nga vini ’ba Israelini ’diyi dri azita azi oromi ’diyi fe indi. ’Ba nga ovu urisi tu. Nga ’yo Musa ma tia kini: ‘Mi nze e’yo ama be mi ’i a’dusiku ama ’ye urisi Mungu ka o’yo ama be ni, ama eco odra ra.’

’Da ma vutia Yehova nga ’yo Musa ma tia kini: ‘Mi emu mavu oni dria ’doa. Ma nga mi dri oni ’bara ’bara iri mani azita mani le emi obi vuti ’diyi osizu drinia ’diyi fe mi dri.’ Musa nga tu oni dria ’dale dika. Nga o’a ’dale ini 40 azini o’du 40.

Mungu fe azita ’ba ini ’diyi dri. Musa nga azita ’diyi osi vaa. Mungu nga vini Musa dri oni ’bara ’bara iri ’diyi fe. Oni ’diyi ma dria Mungu osi azita 10 eri ni ’yole ’ba ini ’diyi ma obi vuti ni ’diyi. ’Ba yi omve Azita Mudri ’Diyi.

Musa ni Oni Sinai ma dria

Azita Mudri ’Diyi eyi azita orodriru ni. Dika azita azi kakau Mungu ni fe ’ba Israelini ’diyi vini orodri ru indi. Azita nde ’diyi ma azi aluni kini: ‘Mi ma le Yehova Mungu miniri mi asi driasi, mi orindi driasi, mi okpo driasi.’ Aziri ’yo ’dini: ‘Mi ma le mi agyi ni ekile mini mi ngulupi lele rile.’ Mungu ma Mvi Yesu Kristo ’yo kini, ’diyi azita amboru tu iri Yehovani fele ’ba i vule Israelini ri. ’Di ma vutia ama nga e’yo kakau oni Mvi Munguni ma dria azini imbata erini imbale ’diyi ma dria.

Efuza 19:1-25; 20:1-21; 24:12-18; 31:18; Azita Amvizu 6:4-6; ’Ba Levini 19:18; Matayo 22:36-40.



Zita ki

  • Mba iri eyi ni Misirini kuzu’bo ri ma vutia, ’ba Israelini ngaki eyi tra ngoa ya?
  • Yehova ’yo i le ’ba ’diyi ma ’ye a’du afani, azini eyi ma omvita ngoni ya?
  • Yehova fe Musa dri oni ’bara ’bara iri a’du ’yezu ya?
  • Azita Mudri ’da ma dria, azita azi Yehova ni fe anzi Israelini dri ’diyi ki ngoni ya?
  • Azita iri Yesu ni ’yo eyi angiri tu ’diyi ngoki ya?

Zita o’bazaru ’diyi ki

  • Mi la Efuza 19:​1-​25; 20:​1-​21; 24:​12-​18; azini 31:18.

    E’yo siza Efuza 19:8 ma alea ri ko ama aza owita Kristayo ni eyi owizu ri ma efi va zu ngoni ngoni ya? (Mat. 16:24; 1 Pet. 4:​1-3)

  • Mi la Azita Amvizu 6:​4-6; ’Ba Levini 19:18; azini Matayo 22:​36-​40.

    ’Ba Kristayo ru ’diyi ki eyi ma leta Mungu ni azini jo ejele niri e’da ngoni ngoni ya? (Mar. 6:​34; ’Yeta 4:​20; Rum.15:2)