Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 34: Nyaka Esele O’diru Ri

A’diko 34: Nyaka Esele O’diru Ri

MI ECO lu ’ba ‘diyi a’du afa o’du engazu nyakua risi’ari ra ya? Eri andrali le. Eri andreli le. Eri vini imve inikini. Te ovuni andreli ni ku; eri afa nyaza ni.

’Ba Israeli ni ’diyi mana oku ria

E’dozu sawa ndra ’ba Israelini ’diyi ni Misiri ni kuzo ’bo risi kpere sawa ’disi, o’aki di ca imba alu bo. Eyi di angu rokoru ri ma dria. Nyaka were ni zo dia ni, ani ’ba nga ki onu kini: ‘Yehova ka ndra ama o’di Misiria ’dale te ta muke. Ama ovu ndra Nyaka woro amani lele ’diyi be.’

Yehova nga ’yo kini: ‘Ma nga fe nyaka ni ’dizu emi dri engazu ’bua ekile ozoo le.’ ’Dinile Yehova nga fe ra. Drusi o’bitisi ’dini, ’ba Israelini ’diyi ni afa imve e’dapi va angu ma dria woro ’diyi nezu ’bo ria, nga ki eyi ozi eyi ma eselea: ‘’Di a’du afa ni ya?’

Musa ’yo kini: ‘Diri nyaka Yehova ni fele emi dri nyazaru ri i.’ ’Ba omve ru ni MANA. Alu ekile mugati werea ’bani ede anyuoso si ri le.

Musa nga ’yo ’ba eyi ni kini: ‘’Ba alu alu ni nga o’du ini nyari vusi.’ O’biti alu alu vu si ’ba nga di ’ye ’dinile. Etu ka nga eca driza ru ’bo, mana acepi va ’di ra te.

Musa nga ’yo kini: ‘’Ba alu ni ma mba mana ma ta cazu kpere drusi ’dini ku.’ Te ’ba azini ’diyi erikini e’yo ’diri ku. Mi ni a’du afa ’ye i ni’ari ra ya? Drusi o’bitisi ’dini mana eyi ni tani mba ci ’da o’bu ti alenia ci e’do ani ngu ngu!

O’du alu sabatu ma alia, Yehova ’yo ’ba yini ma o’du mana pale iri eyi ni eco ra ri le. ’Diri o’du azia si. Yehova ’yo ma mba ta ni o’du drusi rini a’dusikuni inga ni fe nyaka ni o’de o’du sabatu ni si ku. ’Ba ka mana ma ta mba o’du aziri risi, o’bu tini alenia ku, ngu ni vini ku indi! ’Diri tali azini!

Eli woro ’ba Israelini o’azu roko dria ria, Yehova fe eyini mana nya i.

Efuza 16:1-36; Kalafe 11:7-9; Yosua 5:10-12.



Zita ki

  • I’da alea ’dia, ’ba ’diyi a’du afa o’du engazu va nyaku dria, azini afa nde ma ru a’du ni ya?
  • Azita Musa ni fe ’ba yini mana o’duza ma dria ri ngoni ya?
  • Yehova ’yo ’ba ’diyi ni ma ’ye a’du afa ni o’du azia si, azini a’du eyo si ya?
  • Yehova ni nga tali ngole ni ’ye mana ka ko ini be ra ria?
  • Yehova fe ’ba ’diyi ni mana nyazu eli si?

Zita o’bazaru ’diyi ki

  • Mi la Efuza 16:​1-​36 azini Kalafe 11:​7-9.

    E’yo Efuza 16:8 ni ece otuta Munguni dri ceza ni Kanisa Kristayo ni ma alea ri ma dria ri ngoni ya? (Ebr. 13:17)

    Angu rokoni ma alea, ’ba ri ’ba Israelini ’diyi ega eyi ama okpo Yehova ma dria ri ma dria ngoni ru ya? (Efu. 16:14-​16, 35; Azi. 8:​2, 3)

    Yesu fe mana ma ifi ecetaru ri ngoni, azini ama orodri isu “nyaka inga pi bua” ’disi ngoni ru ya? (Yoh. 6:​31-​35, 40)

  • Mi la Yosua 5:​10-​12.

    ’Ba Israelini ’diyi nya mana eli si, ’diri eyini o’bita ru ngoni ngoni, dika e’yo amani eco oni ’dia ri ngoni ya? (Efu. 16:35; Kal. 11:​4-6; 1 Kor. 10:​10, 11)