Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 28: Odekua Musa Nga I Pa Ngoni Ru

A’diko 28: Odekua Musa Nga I Pa Ngoni Ru

MI NDRE nga Odekua owupi azini oku ’di ma dri drile bipi ’di. Eri Musa i. Mi ni oku ndrizaru ’di a’di i’ari ra ya? Eri opi Misiria ri ma zamva, Farau ma zi i.

Farau ma izi isu Musa i

Musa ma andri zi eri kpere eri mba ni cazu na, a’dusiku leni ’ba Misiria ’diyi ni eri dizu ku. Te ni ra ’ba nga Musa ni isu ra, nga di ’ye ’dinile ecozu eri pazu.

Nga acalaka ’du ede eri yini ecozu fizu alenia ku ru. Nga Musa ni ’ba alenia dika ’ba di acalaka ’diri omi izu izu ’diyi ma tala yi Nili ma ageyia. Musa ma amvi, Miriamu nga di ovu nyia ogogo ndrezu a’du afa ni i’ye ni’ari beni.

Mbeleru Farau izi nga imu i oji Yi Nilia. Nga acalaka ndre omi izu izu ’diyi ma tela. Nga zamva alu ati’bo ru ri omve kini: ‘Mi mu acalaka ’dari e’du mani.’ Opi ma ezopi ni acalaka ma ti nzizu ria, mi ne mva werea ndrizaru ni ’da! Musa werea ’diri de owuria. Opi ma ezoanzi nga ovu matusi eri vu. Lekini ’ba ni eri ’dizu ku.

Coti Miriamu nga emu eyi vu. Mi eco eri ndre e’da ’diri ma alia ra. Miriamu zi Farau ma izi ni: ‘Ma eco mu oku Israelini ma azi omve mva ’di eba fezu ra ya?’

‘Ee mi ma mu,’ opi izi nga omvi.

Miriamu nga nzu mbele luzu mva ma adri ni. Musa ma andri ka mu eca opi izi vu ’bo, opi izi nga ’yo kini: ‘Mi ’du mva ’diri dika mi endru eri ma nga mi ofe ra.’

Musa ma adri nga i mvi ma ta mba ni. Musa ni zozu ’boria, nga eri ji Farau izi dri, nga di eri ’du i ma mva ru. ’Dini Musa nga zo Farau vile joa.

Efuza 2:1-10.



Zita ki

  • Odekua e’da di ma alea ri a’di i, azini eri a’di ma driamva bi ya?
  • Musa ma andri ’ye a’du afa ni eri pazu ’bani eri ’dizu ku?
  • Zamva werea e’da ma alea ri a’di i, azini ’ye a’du afa ni ya?
  • Farau izi ni odekua ’di isuzu ’bo ri si, Mariamu ’yo ngoni?
  • Opi ma izi ’yo Musa ma andri ni ngoni ya?

Zita o’bazaru ’diyi ki

  • Mi la Efuza 2:​1-​10.

    Musa ma andri ovu drileba ngoni le ri be eri ni Musa ma ta mbazu odekulea ru ria risi, azini ’diri tipika ni imbata ngole ni fe? (Efu. 2:​9, 10; Azi. 6:​6-9; O’be. 22:6; Efe. 6:4; 2 Tim. 3:​15)