Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 25: ’Ba Akua ’Diyi Nga Mu Misiria

A’diko 25: ’Ba Akua ’Diyi Nga Mu Misiria

YUSUFU econi di i asi omi dika ku. Nga ’yo ati’ba i vile ’diyi ni ma fu joa risi ra. Erini acezu i ma adripika pie ria, Yusufu e’do awu wu. Mi eco ega adripika ’diyi ovu ki osuta si tu ngonia’ri ra, a’dusiku nikini eri wu a’du e’yo si’a ri ku. Asizu nga ’yo kini: ‘Ma Yusufu i. Ma ati ni nga kiri idriru ya?’

Erima adripika ecaki osutasi ecokini e’yo nze ku. Ecaki urisi. Te Yusufu ’yo kini: ‘Emi esi emi mavu ogogo.’ Eyi ka emu ogogo ’bo, eri nga ’yo yini kini: ‘Ma emi adripi Yusufu i, emi ni ndra ozi Misiria ri i.’

Yusufu nga e’yo nze asi ndriza si: ‘A’oko ma nya emi emini ma ozile ’doa risi ku. Mungu fe mani imuzu Misiria ’ba ma idri tambazu. Farau ’ba ma opiru angu Misiria ri ma dria dria. Emi ma ’ye mbele mbele emi mu ma ati vu emi ma olu e’yo ’diri eri ni. Emi ’yo eri ri ma emu o’a doa.’

Yusufu nga ima adripika yi amvu dria nga vini eyi ma o’bolo ndru alu alu. Farau ka mu eri kini Yusufu ma adripika eca ’bo, nga ’yo Yusufu ni: ‘’Ba ma ’du akanya muzu eyi ma atini ijuzu ’ba eri vile akua ’diyi pie imuzu ’doa, ma nga eyi ni angu kililiru Misiria ri fe eyi ni i.’

Nga di ’ye ’dinile. Mi eco ndre Yusufu ni dri fu ima ati be erini ecaria Misiria ’ba ivile akua ’diyi be ra.

’Ba Yakobo vile akua ’diyi ecaki kakau. Dria tualu ’ba 70 nga di mu Misiria. ’Diyi Yakobo pi anzipi pie azini a’bi anzi pie indi. Te oku yi ndra indi azinisi ati’ba pie indi. ’Diyi dria nga di o’a Misiria. ’Ba nga di eyi omve ’ba Israelini, a’dusiku Mungu oja ndra Yakobo ma ru Israeli i. ’Ba Israelini ’diyi ecaki ’ba Mungu ni opele, amani nga ndrele ri le.

E’doza 45:1-28; 46:1-27.

Yusufu pi ’ba eri vile akua ’diyi pie


Zita ki

  • Yusufu ni i ece zu ima adripika ni ’bo ria, a’du afa nga i ’ye ni ya?
  • Afa Yusufu ece ima adripikan i asi ndrizasi ri a’du?
  • Farau ni e’yo erizu Yusufu ma adripika ma dria ’boria, nga a’du ’ye ya?
  • Yakobo pini muzu Misiria ri si, ’ba eri vile akua ’diyi ndra si ya?
  • ’Ba Yakobo vile akua ’diyi ’ba nga eyi omve ngoni, azini a’du e’yo si ya?

Zita o’bazaru ’diyi ki

  • Mi la E’doza 45:​1-​28.

    E’yo ’bani sile Biblia alea Yusufu ma dria ri ece amani Yehova eco e’yo onzi ’bani ’yele ima ati’bo rua ’diyi oja muke ra ngoni ngoni ya? (E’do. 45:​5-8; Isa. 8:​10; Fil. 1:​12-​14)

  • Mi la E’doza 46:​1-​27.

    Yehova fe Yakobo ni asi teza ngonile ri erini muria Misiria ri si? (E’do. 46:​1-4.)