Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 19: Yakobo ni Aku Ambo Be

A’diko 19: Yakobo ni Aku Ambo Be
Yakobo ni anzipi pie

MI NE nga lu aku ambo ’di. ’Diyi Yakobo vile agupianzi 12 ’diyi. Eri ma ezoanzi ndra vini ci indi. Mi ni anzi diyi ma azi ma ru ra ya? Ama ma oniki nga eyima azi.

Lea osi ndra Rubeni ’i, Simeoni ’i, Levi ’i azini Yuda ’i. Rakeli kamu ne ’i isu anzi ku, eca ndra candisi. Ani fe di Yakobo ni Bilani zamva erini atiboru ri ’i, ani Bilani isu ndra agupianzi iri omvele Dani ’i azini Nafutali ’i ’diyi. Lea fe ndra vini ima ati’bo zamva ru Zilipa ni Yakobo dri, azini Zilipa osi ndra Gadi pi Aseri be. Lea isu ndra vini agupi anzi azi iri dika, Isakari pi Zebuloni be.

Rakeli isu ndra mva asizu ra. ’Da ndra erima ru Yusufu ’i. Ama nga e’yo oni Yusufu ma dria angiri ndo, a’dusiku eri ndra ’ba angiri tuni Yehova ma milea. ’Diyi di agupi anzi 11 Yakobo ni ndra isu de nga eri Rakeli ma ati Labani i ci.

Yakobo ovu vini ndra ezoanzi pie, te Biblia lu amani eyi ma azi aluni ma ru. Eri ma ru ndra Dina i.

Sawa nga eca Yakobo ni Labani ni kuzu mvizu Kanania. Nga ’ba i vile akua ’diyi tra dria kabilo i vile licoa ’diyi pie, ti pie dria aci nde e’dozu.

Yakobo pi ni o’azu ba ivule akua ’diyi be Kanania were bori ma vutia, Rakeli nga agupiamva osi ra. Nga mva di i osi de nga yi kiri muria geria. Erini mva osiria isu candi saaru fe ani dra ra. Te mva eri ni osi ri te ni dra ku. Yakobo nga ru ni ’da Benyamini ’i.

Le ama ma ega anzi Yakobo ni 12 ’diyi ma ru dria ra a’dusikuni suru Isiraeli ni dria efu engazu yivu. Enyati 12 Israeli ni ’diyi ma ru ’ba o’da anzi Yakobo ni 10 ’diyi ma rusi azini anzi iri Yusufu ni ’diyi ma rusi. ’Bani anzi ’diyi osizu ’bo ri ma vutia, Isaka o’a eli kakau ani ne a’bianzi ini kakauru. Te ama ma ne nga a’du e’yo ’ye i eri ma izia Dina be ni’ari.

E’doza 29:32-35; 30:1-26; 35:16-19; 37:35.



Zita ki

  • Agupianzi Yakobo ni azia eri ni tile oku ini oko Lea be ’diyi ma ru ki a’di pi ki ya?
  • Agupianzi iri Lea vile ati’bo zamva ru zilipa ni ti Yakobo be ri a’di pi ki ya?
  • Agupianzi iri ati’bo Rakelini zamva ru Bila ni ti Yakobo be ’diyi ma ru a’di pi ki ya?
  • Agupianzi iri Rakelini ’diyi a’di pi, te a’du afa ’ye i ni ’bani agupiamva irizu ri osiria?
  • E’da ’di ma alea ri le, Yakobo ma anzi eyi ndra si, azini afa engapi eyivu ri a’du afani ya?

Zita o’bazaru ’diyi ki

  • Mi la E’doza 29:32-​35; 30:​1-​26; azni 35:16-​19.

    Ekile amani ne anzi Yakobo ni 12 ’dayi si ri le, ’ba ndra ru fe agupianzi Ebraniani ’diyi ni ngoni ngoni?

  • Mi la E’doza 37:35.

    Biblia ni tro Dina ma ru luzu a’dule, aniki ngoni ngoni Yakobo ma ezoanzi azi eyi ndra ci? (E’do. 37:34, 35)