Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 15: Loti Ma Okuni Ni Angu Nezu Vuleri

A’diko 15: Loti Ma Okuni Ni Angu Nezu Vuleri

LOTI pi ’ba ivile akua ’diyi pie ndra o’a tualu Iburahimu be angu Kanani ni ria. O’du azi alu Iburahimu ’yo Loti ni: ‘Angu ’di ca di anyapa amavu ’diyi ni ku. Asisile ’disi ma di mi zi, le acoki ama esele. Ika mu ’dale ru, ma nga mu ’dole ru.’

Loti nga angu ondre. Nga angu onyiru yi be azini ase be angiri ivule anyapa ’diyi ni ri ne. ’Di ndra angu Dalaru Yorudani ni ri ’i. Loti nga di ani ’ba ivile akua ’diyi ji anyapa pie ’dale. Asizu imuki di ndra o’a aku ambo Sodomuni ri ma alea.

’Ba Sodomua ’diyi ndra onzi tu. Fe ndra ani candi loti ni tu, erini ndra ovuzu agupi mukeni risi. Mungu ovu vini ndra candi si indi. Asizu, Mungu pe ndra malaika iri ma ti muzu Loti ma bilendu lizu kini i ’ye mu Sodomu ma dri ja aku ambo azi inyia Gomora be e’yo onzi yini si ra.

Malaika ’yoki ndra Loti ni: ‘Mbele mbele! Midu mi okuni pimi ezoanzi iri ’diyi be ifuki ’diarisi!’ Loti pi ndra ’ba ivile akua ’diyi pie nga ’ye e’yere e’yere, asizu malaika ngaki eyi obi dria dria fuzu eyibe aku ambo ’da ma alea risi amve. Malaika aziri nga di ’yo: ‘Emi apa emini ani emi idri pazu beni! Emi eneki angu vule ku. Emi apaki oni ’davu ’dale ’ba ka mu emi, drijazu ku beni.’

Loti pi eriki ndra e’yo ’di erima ezoanzi pie apaki ani Sodomua risi re. Awiki ni pa tu kaniku angu ne vule ’dini ku. Te Loti ma okuni ga ndra e’yo ’di erikosi. Eyini apazu engazu Sodomua risi sawa were ’bo ri ma vutia, nga pa tu azini nga angu ne vule. Coti Loti okuni nga eca pati i’dizaru ri le ai ru. Mi eco eri ne i’da ’di ma alea ra ya?

Ama ecoki embata mukeni oni ’dia ra. E’da amani kini Munguni lu ’ba ima ti eripi ’diyi opa a’dule te ’ba erima ti gapi si ’diyi nga dri ja ra.

E’doza 13:5-13; 18:20-33; 19:1-29; Luka 17:28-32; 2 Petero 2:6-8.

Loti ni apa Sodomua risi


Zita ki

  • Iburahimu pi awaki eyi Loti be a’du e’yo si ya?
  • Loti pe o’azu Sodomua a’du e’yo si ya?
  • ’Ba Sodomua ’diyi ndra ’ba ngole ni ki ya?
  • Malaika iri ’dayi liki Loti ma bilendu ngoni?
  • Loti ma okuni eca pati i’dizaru rile ai ru a’du e’yo si ya?
  • Imbata amani oni ’yeta Loti okuni ni ma dria ri ngoni ya?

Zita o’bazaru ’diyi ki

  • Mi la E’doza 13:​5-​13.

    E’yo ama eselea ’diyi otuzu, imbata amani oni Iburahimu vuri ngoni ya? (E’do. 13:​8, 9; Rum. 12:10; Fil. 2:​3, 4)

  • Mi la E’doza 18:20-​33.

    ’Yeta Yehovani Iburahimu vuri fe amani asi omiza e’yo liza Yehova pini Yesu be kililiru ri ma dria ngoni ya? (E’do. 18:25, 26; Mat. 25:31-​33)

  • Mi la E’doza 19:​1-​29.

    Biblia ece amani Mungu ne lata agupi ni lazu agupi si kaniku okuni lazu okusi ri ma dria e’yo ngoni? (E’do. 19:​5, 13; Lev. 20:13)

    Esele coza omvita Iburahimu pini Loti be azita Munguni ma dria ri ngoni, azini fe amani imbata ngoni? (E’do. 19:15, 16, 19, 20; 22:3)

  • Mi la Luka 17:28-​32.

    Asi ’baza ndra Loti okuni ni Lonyi ma dria ri ngoni, dika imbata amani eco oni ’dia ri ngoni? (Luka 12:15; 17:31, 32; Mat. 6:​19-​21, 25)

  • Mi la 2 Petero 2:​6-8.

    Ekile Loti le, le ama ma ne ki adriza ’ba eyini azita Munguni ma vuti obizu ku ama ageyiasi ’di ngoni ya? (Eze. 9:4; 1 Yoh. 2:​15-​17)