Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 12: ’Bani Jo Izuru ri Sizu Ri

A’diko 12: ’Bani Jo Izuru ri Sizu Ri

ELI ali ndra kakua. Noa vile anzi ’diyi ti ndra vini anzi eyini kakauru. Eri ma anzipi zoki dika tiki vini anzi kakua. Sawa were ma vutia, ’ba eca ndra nyaku dria kakau.

’Ba ’diyi ma azi ru ri ndra a’bimva Noani omvele Nimirodi ’i. Eri ndra agupi onzi anyapa azini ’ba ada ndapi azini o’dipi ’diniri ’i. Nimirodi ’ba ndra vini ’i ’ba azi ’diyi ma opiru yi ma dri cezu. Mungu le ndra Nimirodi ni ku.

’Ba driani ndra sawa ’dasi ti alu nze. Nimirodi le ndra eyi ma o’aki tualu ini ecozo ani eyima dri cezu beni. Mi ni di ’ye a’du afani ya ri ra ya? ’Yo ndra ’ba yi ma siki aku ambo ovupi jo izururi be alenia ri’i. Ine nga eki i’da ’di ma alea biriki ’beria.

Yehova Mungu ovuni ndra jo siza ’disi ayikosi ku. Mungu le ndra ’ba ma ereki eyi eyini ecozu o’azu nyaku ma dria dria. Te ’ba ’yoki ndra: ‘Emi emuki! Ama ma siki aku amboru azini jo izururi drini ma ca kpere ’bua beni. Ama ru ni di nga ku tu!’ ’Ba ’diyi leki ndra inzita eyini, ovuni Mungu ni ku.

Ani Mungu fe di ndra ’ba ’diyi ni jo izuru ’di ma siza kuzu ja. Mi ni ’ye ndra ’di ngoni ngoni’a ri ra ya? Erini fezu ’ba yini ti ndu ndu nzezu ti alu ma paria risi. ’Ba jo siba ’diyi eco ki di ndra yi va eyima eselea ku. ’Di di bani asisile ’bani aku amboru eyini ’da omvezu Babeli ’i, kaniku Babuloni ’i ri, efini “Abaza.”

’Ba e’doki di ndra Babeli ni ku muzu re. ’Ba ongulumu ti alu nzepi ’diyi mu di ndra o’a tualu angu esele azi nyakuni ri ma alea.

E’doza 10:1, 8-10; 11:1-9.

’Ba ki jo izuru ri si


Zita ki

  • Nimurodi ni ndra a’di i, dika Mungu ega ndra e’yo eri ma dria ngoni?
  • E’da ma alea ’dia, ’ba ki biriki ’be a’du ’yezu ya?
  • Yehova o’ani jo siza ’da si ayikosi ku a’du ma e’yo si ya?
  • Mungu atri jo siza ’dari ngoni ngoni ya?
  • Aku ambo ’da ma ru ngoni, dika ru nde ’da ma ifi ngoni ya?
  • Mungu ni abaza fezu ti ’yoza ’ba nde ’diyi ni ri dri ’bo ria, a’du ma e’yo ye i ni ya?

Zita o’bazaru ’diyi ki

  • Mi la E’doza 10:​1, 8-​10.

    Zita azi ‘Dayi pi ma Dria ‘Diyi adriza ndra Nimurodi ni e’da ri ngoni, dika ’diri imbata ru ama ni a’du e’yo si ya? (O’be. 3:​31)

  • Mi la E’doza 11:​1-9.

    Asisile ’bani jo izu ’da sizu ri ngoni, dika azi nde si ta ra ’bani dri ni jazu a’du e’yo si ya? (E’do. 11:4; O’be. 16:18; Yoh. 5:​44)