Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

Esele 2: Yi Tiza Amboria Cazu Kpere Onzeta Engazu Misiria Ria

Esele 2: Yi Tiza Amboria Cazu Kpere Onzeta Engazu Misiria Ria

’Ba aro toko epaki ndra eyi engazu Yi Tiza ambori ma alea risi ni, te kalafe yini nga ndra ezu alifu kakua. Eli 352 ni agazu Yi Tiza ambori ma vutia ’boria, ’ba nga Iburahimu ni osi ra. Ama geri ndra Munguni oyo soza ini ma ta mbazu erini Iburahimu ni agupiamva Isakani fezurisiri oni. ’Dama vutia, Isaka vu anzi iri ’diyi ma eselea, Mungu pe ndra Yakobo ’i.

Yakobo ma aku ndra ambo agupi anzi 12 azini ezoanzi pie. Yakobo vile agupi anzi 10 ’diyi nguki ndra yima adri odearu Yusufuni onzi ani oziki ndra eri azi ngazu ati’boru Misiria. ’Dama vutia, Yusufu eca ndra opi amboniru Misiria. Liki amboru ni ecazuria, Yusufu o’bi ima adripika yi ecozu ojaki yima asi ’bo yari nizu. Asizu, ’ba Yakobo vile akua ’diyi dria, ’ba Israelini, be, muki ndra Misiria. ’Di ’ye ndra ’i eli 290 Iburahimu ni osizu ’bo ri ma vutia.

Eli 215 ’da ma vutia ri ma alea, ’ba Israelini eyi ndra Misiria. Yusufuni drazu ’bo ri ma vutia, ecaki ndra ati’boru. Sawa ni agazu ’bori ma vutia, ’ba nga Musa ni osi ra, ani Mungu ayu ndra eri ’ba Israelini ’diyi onzezu engazu Misiria risi. Dria ria, eli 857 adi ni ’diyi Esele IRIZU di ma alea.

Yakobo ni ’ba I vile akua ’diyi pie mu Misiria