Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

A’diko 3: Agupi Azini Oku Okokele ’Diyi

A’diko 3: Agupi Azini Oku Okokele ’Diyi

AFA MINI ne e’dapi ndu e’da ’di ma alea ri a’duni ya? Ee, eri ’ba alenia ’diyi. Eyi agupi azini oku okokele ’diyi. A’di o’ba ndra eyi ni ya? Mungu ’i. Mi ni eri ma ru ra ya? Eri ma ru Yehova ’i. Azini ’ba omve ndra agupi azini oku ’diyi Adamu pi Eva be.

Adamu pi Eva be amvu Edenia

’Di ndra geri Munguni Adamu ni edezuri ’i. E’du ndra irifura engazu nyakua ede ani rua onyiru ri ’i, agupi ma rua. Vutinia, vu di ndra ava agupi nde ma omvua, ani Adamu eca di ani idriru.

Yehova Mungu fe ndra Adamu ni azi ngazaru ra. Fe ndra Adamu ni anyapa esele ndu ndu dria ’diyi ma ru o’dazu. Adamu eco ndra anyapa ’diyi one sawa angiri erini ecozu ani ru muke tu ’diyi fezu yini beni. Adamu ni anyapa ’diyi ni ru oferia, e’do afa azini ne. Mi ni afa ’da ndra a’duni yari ra ya?

Anyapa dria ndra iri iri. Ewa agori piki ndra ewa aroniri be, kami agori piki kami aroniri be. Te ’ba azi ndra ovupi Adamu be ni yo. Yehova fedi ndra ani Adamu ni o’du angiri ni kozu erini ani eri ma ejefala enzezu. Yehova ayu di ndra ejefala ’di oku edezu Adamu ni, eca di ndra Adamu ma oku ru.

Adamu ovu di ndra ani ayikosi tu! Mi ega Eva ovu ndra ayikosi ngonile ’bani eri ’bazu o’azu amvu ndrizaru tu ’da ma alea! Ecoki di ndra anzi ti azini o’a tualu ayikosi.

Yehova le ndra Adamu pi ma o’aki Eva be ’dani ’dani. Le ndra ma edeki nyaku ’di dria erini ecozu ovuzu onyiru tu ekile amvu Edeni ni rile. Adamu pi ovuki ndra Eva be ayikosi ngonile eyini e’yo egazu azi ’di ngazuri ma dria! Mi eco ndra a’i azi ngazu tualu nyaku ’di edezu amvu ndrizaru tu riru ra ya? Te ayiko Adamu pini Eva be ri awini ndra sawa ’du angiri ku. Ama ma isuki nga asisile ni ri ’i.

Zaburi 83:18; E’doza 1:26-31; 2:7-25.



Zita ki

  • I’da a’diko 3 ma aleari iji i i’da a’diko 2 ma aleri be ku ngoni ngoni?
  • A’di o’ba ndra agupo oko ri ni, azini agupi nderi ma ru ndra a’di i ya?
  • Mungu fe ndra Adamu ni azi ngo i nga ya?
  • Mungu fe ndra o’du ali nini Adamu ni ’be a’du e’yo siya?
  • Adamu pi ndra o’a Eva be eli si, azini Yehova le ndra ma ’yeki a’du ni ya?

Zita o’bazaru ’diyi ki

  • Mi la Zaburi 83:18.

    Mungu ma ru a’di ’i, azini eri ma pari ndu tu ’bani eco o’bi afa azi nyakua ’dia ni be ku ri ngo i ya? (Yer. 16:21; Dan. 4:​17)

  • Mi la E’doza 1:​26-​31.

    Afa ndra Munguni o’ba asizu o’du azia zuri si ri a’duni, azini afa o’baza ’di ndra anyapa le ku geri ngosi ya? (E’do. 1:​26)

    Afa ndra Yehova ni fe ’ba adani anyapa be ri a’du ni ya? (E’do. 1:​30)

  • Mi la E’doza 2:​7-​25.

    Afa ndra ovupi azi ’bani fe Adamu ni anyapa ma ru o’dazu ri ma dria indi ri a’duni ya? (E’do. 2:​19)

    E’doza 2:​24 eco ama aza ko geri Yehova ni oku jeza, awata azini oku droza nezuri vazu ngoni ngoni ya? (Mat. 19:​4-6, 9)