Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Ma Buku A'diko Biblia ma Alea 'Diyi Niri

Esele 1: O’bataa Cazu Kpere Yi Tiza Amboria

Esele 1: O’bataa Cazu Kpere Yi Tiza Amboria

’Bu pi engaki ndra nyaku be ngoa ya? Etu pi imba pie ’bi’bio pie azini afa kakau nyakua ’diyi pie ecaki ndra ngoni ngoni ya? Biblia fe amani omvita adari erini ’yozu kini Mungu o’ba eyi ni ’dini risi. ’Dinile ama buku e’do di ’i a’diko Bibliani o’bataa ma dria risi.

Ama oniki kini, afa ndra Munguni o’ba okokele ’diyi ndra ’ba orindiru eyi ejipi eribe eji eji ’diyi. Eyi ndra malaika yi. Te ’ba o’ba ndra nyaku ’ba ada amale ’diyini. ’Dinile Mungu ede ndra agupi omvele Adamu azini oku omvele Eva ’i ri azini ’ba ndra di eyi amvu onyiru turi ma alea. Te gaki ndra Mungu ma ti erikosi, ani aviki di ndra o’ata eyini o’azu idriru ri ra.

E’dozu Adamu ma obataasi cazu kpere Yi Tiza amboria eri eli 1,656. Ewu ’di ma alea, ’ba e’yo onzi ’yepi ’diyi ndra kakau. ’Bua ’dale ’ba ’bani eco ndreku, Satani pi malaika erini onzi ’diyi pie ndra ci. Nyakua ’doa ci ’diyi ndra Kaini pi ’ba azi onzi kakau ’diyi pie, alenia indi ’diyi ndra ’ba azi okpobe tu agapi ra ’diyi. Te ’ba onyiri ’diyi ndra vini nyakua ’doa ci—Habili ’i, Enoka ’i azini Noa ’i. Esele OKORI ma alea ama nga mu e’yo la ’ba ’diyi ma dria azini e’yo ndra yi ’yepi ’diyi ma dria.

Anyapa ki amvu Edenia