Mi mu e'yo alenia ria

Mi mu e'yo were were 'diyi ma alea

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Lugbara

Aku Mini Eco Ovu Ayikoru Ra

 ESELE 2

Emi Ovu Asi Adasi Emi Eselea

Emi Ovu Asi Adasi Emi Eselea

“’Ba Munguni a’dileniri, ’ba ndi ma co eselenini ku.”Marako 10:9

Yehova le ama ma ‘le asi ada.’ (Mika 6:8) ’Di orodriru tu aje emini ma alea a’dusiku ovuzu asi ada kokoru, emi eco api e’yo ’yeza emi eselea risi ku. Apizu e’yo ’yeza emi eselea risi ra ri orodriru leta ni zozu.

Ewu andru ’di ma alea, ovuzu asi adasi aje ma alea ri eca ewaru. Aje mini ri ma ta mbazu, mi ma ’ba okpo e’yo iri yi ’yezu.

 1 MI ’BA AJE MINI RI E’YO DRIA MA DRILEA

E’YO BIBLIA NI ’YORI: “Emi ma ama ani e’yo agapi onyisi ra ’diyi.” (’Ba Filipia ’Diyi 1:10) Aje mini ri afa azi alu idri mini ma alea orodriru tu ri. Le mi ma ’ba eri e’yo dria ma drilea.

Yehova le mi ’ba asi mi aje azi ma dria azini emi “ovu ayikosi” tualu. (Eklesiaste 9:9) E’da amani nditiri le mi ma adi mi aje ma azi ku, kani ra ria, le emi ma nda geri emini ayiko fezu emini emi eselea ri. (1 ’Ba Korintoa ’Diyi 10:24) Mi ma fe mi aje ma azi ma etrumu eri orodriru azini mi ma ovu erisi awa’difosi.

AFA MINI ECO ’YERI:

  • Le emi ma esu sa angiri oazu tualu, emini ani asi ’bazu dria e’yo mi aje ma azi ni ’diyi ma dria

  • Mi ega e’yo “ama” dria mini e’yo egazu “ma” dria ri ma paria

 2 MI MBA MI ASI MA TA

E’YO BIBLIA NI ’YORI: “’Ba dria alu alu oku ndrepi asisile dropi drinia lisiri, ’ba ali eri be ima asia ’bo.” (Matayo 5:28) ’Ba azini ka e’yo ega e’yo ali ’baza ni ma dria, geri azini si, eri e’yo eza ima aje ma azi ma rua.

Yehova kini le “mi mba mi asi ma ta.” (E’yo O’beza 4:23; Yeremia 17:9) ’Di ’yezu, le mi mba mile mini ma ta. (Matayo 5:29, 30) Le mi obi eceta aku drile Yobu ndra aziza azipi mile ini be oku azini ndrezu lisi ku ri ni. (Jobu 31:1) Mi ma ’ba okpo e’da pililiru ’diyi ndrezu ku. Mi otu mi asia agyi ’bazu ’ba mi aje ma azi ru ku ’diyi be ku.

AFA MINI ECO ’YERI:

  • Mi e’da ’ba azi ’diyi ni nditiri kini asi mini dria ri mi aje ma azi ma dria a’dule

  • Mi ega e’yo mi aje ma azi ma trumu ma dria azini mi ma ku agyi ’baza ayiko fepi erini ku ’diyi ja