Mi mu e'yo alenia ria

Mi mu e'yo alenia 'diyi ma alea

'Ba Yehova ma E'yo Eti Nzepi 'Diyi

Mi pe ti Lugbara

 ESELE 8

E’yo Ewaru Ka I ’Ye

E’yo Ewaru Ka I ’Ye

“Emi ka tro candi isu obeta ndu ndusi ewu were curu’dorisi ti, te emi ovu ayikosi ambo.”1 Petero 1:6

Emini tro o’bizu ovuzu aje azini aku ayikoruri be asi driasi ti, e’yo nile ku ’diyi yi ’ye, yi fe eri eca emini ewaru ayiko emini ma ta mbazu. (Eklesiaste 9:11) Letasi, Munguni amani azakoma fe amani dri furia e’yo ewaru be. Mi ka imbata e’yo siza ma alea ’diyi ayu ra, mi nga eco e’yo ewaru tu ’diyi ma ti ta ’ba akua ’diyi be ra.

 1 MI MA ’BA ASI YEHOVA MA DRIA

E’YO BIBLIA NI ’YORI: “Emi ma ku e’yo asi otiza fepi emi dri ’diyi dria eri ma dria, a’dusiku eri ma asini e’yo emini egale amborurisi.” (1 Petero 5:7) Sa driasi, mi ma ni ra kini obeta mini isu ’diyi enga Mungu vu ku. (Yakobo 1:13) Mini mi esiria inyia erivu, eri nga mi aza ko geri onyiru tu agapi ra risi. (Isaya 41:10) “Emi ma osu e’yo emi asiari eri ma milia.”Zaburi 62:8.

Mi nga vini asi omiza isu mini Biblia lazu azini onizu o’du driasi risi. ’Di ni nga fe mini geri Yehova “ama asi omipi inzata amani ma alia driari” ni ri nezu. (2 ’Ba Korintoa ’Diyi 1:3, 4; ’Ba Rumia ’Diyi 15:4) So oyo mini ‘asi anzu Munguni e’yo vaza ’bani agapi driari’ fezu.’Ba Filipia ’Diyi 4:6, 7, 13.

AFA MINI ECO ’YERI:

  • Mi ma zi Yehovani azakoma isuzu ovuzu asi ’yasi azini e’yo egazu kilili

  • Mi ma one geri ndu ndu e’yo nde ’yezu ’diyi ani ecozu geri kilili tu ri pezu

2 MI MBA MI TA AKU MINI BE

E’YO BIBLIA NI ’YORI: “’Ba e’yo egapi e’yo vazasiri ma asini nita isuni, azini ’ba onduaruri ma bileni nita ndani.” (E’yo O’beza 18:15) Mi isu e’yo ada drinia ’diyi dria. Mi isu afa ’ba akua ’diyi ni le ri. Mi ma nze e’yo yi be. Mi ma eri e’yo yini nze ri.E’yo O’beza 20:5.

Te ’ba emini le tu ni ka dra ria? Mi ma ovu urisi mi ma trumu e’dazu ku. Mi ma ega vini ra kini “Yesu nga wu mindresi” indi. (Yohana 11:35; Eklesiaste 3:4) Ava lizu azini o’du kozu angiri ri orodriru. (Eklesiaste 4:6) ’Di ’yezuri nga fe e’yo ewaru ma ti tazuri eca ewa kokoru.

AFA MINI ECO ’YERI:

  • Mi ma nze e’yo ’ba akua ’diyi be sa driasi de nga e’yo ewaru acani ku. E’yo ewaru ka di eca, yi nga e’yo nzezu mi be ri isu ewakokoru

  • Mi ma nze e’yo ’ba drifupi e’yo ’dile ’diyi be ’bo ’diyi be

 3 MI ISU AZAKOMA MINI LE RI

E’YO BIBLIA NI ’YORI: “Agu ma agyini eri le etu dria lele, azini osi adripi ’bani ’ba aza kozu etu candinirisi.” (E’yo O’beza 17:17) Mi ma agyi le mi aza ko, te econi le yi ma ’ye a’dunia’ri ni ku. Le mi ma ovu urisi afa ada mini le ri ecezu yini ku. (E’yo O’beza 12:25) Azini mi ma nda azakoma orindisiri engazu ’ba Biblia vapi ra ’diyi vu. Egaza yini fe mini engazu Biblia ma aleari nga mi aza ko ra.Yakobo 5:14.

Mi nga azakoma mini leri isu mini oazu tualu ’ba a’ita ’bapi Mungu ma dria azini ovupi asi’baza be oyo soza erini ma dria ’diyi be risi. Mi nga asi omiza angiri isu mini ’ba atita lepi ’diyi ma aza koria. Mi ma ece yini mi ma a’ita Yehova ma dria azini oyo soza erini ma dria ri. Mi ma ovu azi be fudri ci ’ba azi azakoma lepi ’diyi ma aza kozu, azini mi ma co esele ’ba mi lepi azini asipi misi ra ’diyi be ku.E’yo O’beza 18:1; 1 ’Ba Korintoa ’Diyi 15:58.

AFA MINI ECO ’YERI:

  • Mi ma nze e’yo agu mi agyiru tu ri be, fezu erini mi aza kozu

  • Mi ma ece erini afa mini le ’diyi asi adasi