Bayibuli ky’egamba

Tulina okusaba Katonda mu linnya lya Yesu kubanga Yesu lye kkubo lyokka Katonda lye yateekawo mwe tusobola okuyita okumutuukirira. Yesu yagamba nti: “Nze kkubo, n’amazima, n’obulamu. Tewali ajja eri Kitange okuggyako ng’ayitidde mu nze.” (Yokaana 14:6) Yesu era yagamba abatume be abeesigwa nti: “Mazima ddala mbagamba nti bwe musaba Kitange ekintu kyonna, ajja kukibawa mu linnya lyange.”—Yokaana 16:23.

Ensonga endala lwaki tusaanidde okusaba mu linnya lya Yesu

  • Kiraga nti tussa ekitiibwa mu Yesu ne Kitaawe, Yakuwa Katonda.—Abafiripi 2:9-11.

  • Kiraga nti tusiima ekyo Katonda kye yakola bwe yawaayo Omwana we okutufiirira tusobole okulokolebwa.—Matayo 20:28; Ebikolwa 4:12.

  • Kiraga nti tussa ekitiibwa mu kifo Yesu ky’alina ng’Omutabaganya w’abantu ne Katonda.—Abebbulaniya 7:25.

  • Kiraga nti tussa ekitiibwa mu kifo Yesu ky’alina nga Kabona Asinga Obukulu atusobozesa okuba n’enkolagana ennungi ne Katonda.—Abebbulaniya 4:14-16.