Bayibuli ky’egamba

Bayibuli era emanyiddwa ng’Ebyawandiikibwa Ebitukuvu. Erimu ebigambo bingi eby’amagezi. Bayibuli yeeyogerako bw’eti: “Buli Kyawandiikibwa kyaluŋŋamizibwa Katonda.” (2 Timoseewo 3:16) Waliwo obukakafu bungi obulaga nti ekyo kituufu. Lowooza ku bino wammanga:

  • Tewali muntu n’omu yali aleese bukakafu bulaga nti ebyafaayo ebiri mu Bayibuli si bituufu.

  • Abantu abaakozesebwa mu kuwandiika Bayibuli baali beesimbu. Ekyo kiraga nti ebyo bye baawandiika byesigika.

  • Bayibuli erina ensonga enkulu emu gy’eyogerako: eraga nti Katonda y’agwanidde okufuga abantu era nti okuyitira mu Bwakabaka obw’omu ggulu ajja kutuukiriza ekigendererwa kye.

  • Wadde nga yawandiikibwa emyaka mingi emabega, Bayibuli teriimu ndowooza nkyamu bannassaayansi abaaliwo mu kiseera ekyo ze baalina.

  • Ebyafaayo biraga nti obunnabbi obuli mu Bayibuli buzze butuukirira.