Mu kiro ekyasembayo nga tannattibwa, Yesu yalagira abayigirizwa be okujjukiranga ssaddaaka gye yali anaatera okuwaayo. Yabagamba nti: “Mukolenga bwe mutyo okunzijukiranga nze.”Lukka 22:19.

Omwaka guno, omukolo ogw’okujjukira okufa kwa Yesu gujja kubaawo ku Lwokutaano, Apuli 3, ng’ejuba emaze okugwa. Abajulirwa ba Yakuwa bakwaniriza ggwe n’ab’omu maka go okubeerawo ku mukolo guno. Tujja kunnyonnyolwa ensonga lwaki okufa kwa Yesu kwa mugaso nnyo gye tuli era n’engeri gye tuyinza okukuganyulwamu.