Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Obulamu bw'Ekikristaayo n'Obuweereza–Akatabo k'Enkuŋŋaana  |  Okitobba 2017

 BULAMU BW’EKIKRISTAAYO

Obulamu Bwo Bukozese Okutendereza Yakuwa

Obulamu Bwo Bukozese Okutendereza Yakuwa

Obulamu kirabo kya muwendo nnyo. Engeri gye tubukozesaamu buli lunaku eraga obanga tubutwala nga bwa muwendo. Ffe Abajulirwa ba Yakuwa tufuba okukozesa ebitone byaffe n’ebintu ebirala bye tulina okugulumiza Yakuwa eyatuwa obulamu. (Zb 36:9; Kub 4:11) Kyokka, embeera enzibu ze tuyitamu mu nsi ya Sitaani eno ziyinza okutuleetera okulagajjalira eby’omwoyo. (Mak 4:18, 19) Buli omu ku ffe asaanidde okwebuuza nti: ‘Ddala mpa Yakuwa ekisingayo obulungi? (Kos 14:2) Omulimu gwange ngutadde mu kifo ki? Biruubirirwa ki eby’omwoyo bye nneeteereddewo? Nnyinza ntya okugaziya ku buweereza bwange?’ Bw’okiraba nti olina we weetaaga okukyusaamu, saba Yakuwa akuyambe era ofube okukola enkyukakyuka ezeetaagisa. Awatali kubuusabuusa, okutendereza Yakuwa buli lunaku kivaamu essanyu lingi!​—Zb 61:8.

Ebitone byo obikozesa kusanyusa ani?

MULABE VIDIYO ERINA OMUTWE, EBITONE BY’OLINA BIKOZESE OKUWEEREZA YAKUWA, OLUVANNYUMA MUDDEMU EBIBUUZO BINO:

  • Lwaki si kya magezi kukozesa bitone byaffe okufuna ettutumu mu nsi ya Sitaani? (1Yo 2:17)

  • Abo abawa Yakuwa ekisingayo obulungi bafuna mikisa ki?

  • Ebitone byo n’obusobozi obulala bw’olina oyinza kubikozesa otya okuweereza Yakuwa?