Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

 OBULAMU BW’EKIKRISTAAYO

Teweerabira Kusabira Bakristaayo Bannaffe Abayigganyizibwa

Teweerabira Kusabira Bakristaayo Bannaffe Abayigganyizibwa

Bayibuli eraga nti Sitaani yandituyigganyizza ng’ayagala okutulemesa okuweereza Yakuwa. (Yok 15:20; Kub 12:17) Tuyinza tutya okuyamba Bakristaayo bannaffe abayigganyizibwa, abali mu nsi endala? Tuyinza okubasabira. Bayibuli egamba nti: “Okusaba kw’omutuukirivu kulina amaanyi mangi.”Yak 5:16.

Biki bye tuyinza okusaba Yakuwa abakolere? Tuyinza okusaba Yakuwa abawe obuvumu era abayambe baleme kutya. (Is 41:10-13) Tuyinza n’okusaba Yakuwa akwate ku mitima gy’ab’obuyinza baleme kuziyiza mulimu gwaffe ogw’okubuulira, “tusobole okubeera mu bulamu obuteefu era obw’emirembe.”1Ti 2:1, 2.

Pawulo ne Peetero bwe baali bayigganyizibwa, Bakristaayo bannaabwe baabasabira. (Bik 12:5; Bar 15:30, 31) Ne bwe tuba nga tetumanyi mannya ga baganda baffe ne bannyinaffe bonna abayigganyizibwa, bwe tuba tubasabira, tuyinza okwogera amanya g’ebibiina mwe bali, ebitundu mwe bali, oba ensi mwe bali.

Wandiika amannya g’ensi omuli Abakristaayo abayigganyizibwa b’oyagala okusabira.