Okwolesebwa Ezeekyeri kwe yafuna okukwata ku yeekaalu kulaga nti abantu ba Yakuwa bandiwaddeyo ebiweebwayo kyeyagalire. Buli omu ku ffe ayinza atya okuwaayo ssaddaaka ez’okutendereza?​—Beb 13:15, 16.

Engeri emu kwe kuweereza nga payoniya omuwagizi. Omwaka gw’obuweereza ogwa 2018 gulimu emyezi egiwerako egirina ennaku ttaano ez’Olw’omukaaga oba Ssande. Ekyo kiyinza okuyambako ababuulizi ababuulira ku wiikendi kwokka okuweereza nga bapayoniya abawagizi. Ate era, ababuulizi abaagala okuweereza nga bapayoniya abawagizi bayinza okubuulira essaawa 30 oba 50 mu mwezi gwa Maaki ne Apuli, oba mu mwezi omulabirizi w’ekitundu gw’anaakyalira ekibiina kyabwe.

Ate singa embeera yaffe teetusobozese kuweereza nga bapayoniya abawagizi? Tuyinza okufuba okulongoosa mu ngeri gye tubuuliramu ne gye tuyigirizaamu, oba okwongera ku biseera bye tumala mu buweereza. Embeera yaffe k’ebe etya, okwagala kwe tulina eri Yakuwa ka kutuleetere okuwa Yakuwa ekisingayo obulungi mu mwaka gw’obuweereza ogwa 2018.​—Kos 14:2.

Nnyinza ntya okukoppa Sabina Hernández?

MULABE VIDIYO ERINA OMUTWE, YAKUWA ANSOBOZESA OKUKOLA KUMPI BULI KIMU, OLUVANNYUMA MUDDEMU EBIBUUZO BINO:

  • Kiki ekikubiriza mwannyinaffe Sabina okukola ekisingawo mu buweereza?

  • Ekyokulabirako kya Sabina kikukutteko kitya?

  • Mu mwaka gw’obuweereza ogwa 2018, myezi ki gy’osobola okuweereza nga payoniya omuwagizi?