Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Osobola Okubeera Mukwano gwa Katonda!

 ESSOMO 15

Mikwano gya Katonda Bakola Ebirungi

Mikwano gya Katonda Bakola Ebirungi

Bw’oba ne mukwano gwo gw’otenda era gw’owa ekitiibwa, ogezaako okumufaanana. “Mukama [mulungi] era wa mazima,” bw’etyo Baibuli bw’egamba. (Zabbuli 25:8) Okubeera mikwano gya Katonda, tuteekwa okubeera abalungi era ab’amazima. Baibuli egamba: “Mukoppenga Katonda, ng’abaana abaagalwa, era mutambulirenga mu kwagala.” (Abeefeso 5:1, 2, NW) Zino ze zimu ku ngeri gye tuyinza okukolamu ekyo:

Yamba abalala. “Tubakolenga obulungi bonna.”​—Abaggalatiya 6:10.

Kola n’amaanyi. “Eyabbanga alemenga okubba nate: naye waakiri afubenga, ng’akola ebirungi n’emikono gye.”​—Abeefeso 4:28.

Ba muyonjo mu mubiri ne mu mpisa. “Ka twenaazeeko buli ekyonoona omubiri n’omwoyo, nga tutuukiriza obutukuvu mu kutya Katonda.”​—2 Abakkolinso 7:1, NW.

 Ab’omu maka go balage okwagala era bawe ekitiibwa. “Buli muntu ayagalenga mukazi we nga bwe yeeyagala yekka; n’omukazi atyenga bba. Abaana abato, muwulirenga abazadde bammwe.”​—Abeefeso 5:33–6:1.

Laga abalala okwagala. “Twagalanenga: kubanga okwagala kuva eri Katonda.”​—1 Yokaana 4:7.

Gondera amateeka g’eggwanga. “Buli muntu awulirenga [gavumenti] . . . Musasulenga bonna amabanja gaabwe: ab’omusolo musolo.”​—Abaruumi 13:1, 7.