Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Zabbuli 60:1-12

EBIRIMU

  • Katonda awangula abalabe

    • Obulokozi bw’abantu tebugasa (11)

    • “Katonda ajja kutuwa amaanyi” (12)

Eri akubiriza eby’okuyimba; ya ku “Malanga ag’Okujjukiza.” Mikutamu.* Zabbuli ya Dawudi. Ya kuyigiriza. Bwe yalwana ne Alamu-nakalayimu ne Alamu-Zoba, Yowaabu n’agenda n’atta Abeedomu 12,000 mu Kiwonvu ky’Omunnyo.+ 60  Ai Katonda, watwesamba; watusaasaanya.+ Watusunguwalira, naye kati tukkirize tukomewo gy’oli!   Wakankanya ensi; wagyasaamu. Ziba ebituli byayo, kubanga egwa.   Abantu bo wabaleetera okulaba ennaku. Watunywesa omwenge ogututagaza.+   Abo abakutya bawe* akaboneroBadduke baleme kulasibwa kasaale.* (Seera)   Tulokole n’omukono gwo ogwa ddyo era otuddemu,+Abo b’oyagala basobole okununulibwa.   Katonda omutukuvu agambye* nti: “Nja kujaguza, Sekemu nja kumuwa abantu bange okuba obusika;+Ekiwonvu ky’e Sukkosi+ nja kukiwa abantu bange.   Gireyaadi wange ne Manase wange,+Efulayimu ye sseppeewo y’oku mutwe gwange;*Yuda ye ddamula* yange.+   Mowaabu ye bbenseni mwe nnaabira.+ Nja kusuula engatto yange ku Edomu.+ Nja kujaganya olw’okuwangula Bufirisuuti.”+   Ani anantwala mu kibuga ekizingiziddwa? Ani anankulembera okuntuusa mu Edomu?+ 10  Si ye ggwe, Ai Katonda eyatwesamba,Katonda waffe atakyagenda naffe mu lutalo?+ 11  Tuyambe mu buzibu bwe tulimu,Kubanga obulokozi bw’abantu tebugasa.+ 12  Katonda ajja kutuwa amaanyi,+Era ajja kulinnyirira abalabe baffe.+

Obugambo Obuli Wansi

Era kiyinza okuvvuunulwa, “obawadde.”
Obut., “bawone omutego gw’obusaale.”
Era kiyinza okuvvuunulwa, “Katonda ayogeredde mu kifo kye ekitukuvu.”
Obut., “kye kigo ky’oku mutwe gwange.”
Ekigambo ky’Olwebbulaniya kitegeeza omuggo omuwanvu ogukiikirira obuyinza omuduumizi bw’aba nabwo okuwa ebiragiro.