Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Zabbuli 46:1-11

EBIRIMU

  • “Katonda kye kiddukiro kyaffe”

    • Ebikolwa bya Katonda ebyewuunyisa (8)

    • Katonda amalawo entalo mu nsi yonna (9)

Eri akubiriza eby’okuyimba. Zabbuli y’abaana ba Koola.+ Mu ngeri ya Alamosi.* Oluyimba. 46  Katonda kye kiddukiro kyaffe era ge maanyi gaffe,+Bulijjo abaawo okutuyamba nga tuli mu buzibu.+   Eyo ye nsonga lwaki tetujja kutya, ensi ne bw’eneekyuka,Ensozi ne bwe zinaagwa mu buziba bw’ennyanja,+   Amazzi gaayo ne bwe ganaayira ne gabimba,+Ensozi ne bwe zinaayuuguuma olw’okwesiikuula kwayo. (Seera)   Waliwo omugga ogulina emikutu egisanyusa abantu b’omu kibuga kya Katonda,+Weema ey’ekitiibwa entukuvu ey’oyo Asingayo Okuba Waggulu.   Katonda ali mu kibuga;+ tekiyinza kuwambibwa. Katonda ajja kujja akiyambe ng’obudde busaasaana.+   Amawanga gaali mu luyoogaano, obwakabaka bwawangulwa;Yayogera mu ddoboozi erya waggulu ensi n’esaanuuka.+   Yakuwa ow’eggye ali naffe;+Katonda wa Yakobo kye kiddukiro kyaffe. (Seera)   Mujje mulabe ebikolwa bya Yakuwa,Mulabe engeri gy’akoze ebyewuunyisa mu nsi.   Amalawo entalo mu nsi yonna.+ Amenya emitego gy’obusaale era amenyaamenya amafumu;Ayokya amagaali ag’olutalo.* 10  “Mujeemulukuke mumanye nti nze Katonda. Nja kugulumizibwa mu mawanga;+Nja kugulumizibwa mu nsi.”+ 11  Yakuwa ow’eggye ali naffe;+Katonda wa Yakobo kye kiddukiro kyaffe.+ (Seera)

Obugambo Obuli Wansi

Era kiyinza okuvvuunulwa, “engabo.”