Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Yeremiya 3:1-25

EBIRIMU

  • Okwewaggula kwa Isirayiri (1-5)

  • Isirayiri ne Yuda baliko ekibi ky’obwenzi (6-11)

  • Bakoowoolwa beenenye (12-25)

3  Abantu babuuza nti: “Omusajja bw’agoba mukazi we, omukazi n’agenda n’afumbirwa omusajja omulala, omusajja yandiddidde omukazi oyo?” Ensi eno teyonooneddwa nnyo?+ “Oyenze era olina baganzi bo bangi,+Ddala kiba kituufu ggwe okudda gye ndi?” Yakuwa bw’agamba.   “Yimusa amaaso go otunule ku busozi obutaliiko bimera. Waliwo ekifo kye bateebakangamu naawe? Watuulanga ku nguudo ng’obalinda,Ng’Omuwalabu bw’alindira mu ddungu. Olw’obwamalaaya bwo n’ebikolwa byo ebibiEnsi ogyonoona.+   Enkuba kyevudde eziyizibwa,+Era ne mu kiseera kya ttoggo tetonnya. Otunuza bukalukalu nga* muka omusajja akola obwamalaaya;Tokwatibwa nsonyi.+   Naye kaakano oŋŋamba nti,‘Kitange, ggwe mukwano gwange ow’omu buvubuka bwange!+   Omuntu yandisigadde nga musunguwavu emirembe gyonna,Oba yandisibye ekiruyi ekiseera kyonna?’ Bw’otyo bw’ogamba,Naye okola buli kibi kyonna ky’osobola okukola.”+  Mu kiseera kya Kabaka Yosiya,+ Yakuwa yaŋŋamba nti: “‘Olabye Isirayiri atali mwesigwa ky’akoze? Agenze ku buli lusozi oluwanvu na buli wansi w’omuti ogulina ebikoola ebingi okukola obwamalaaya.+  Ne bwe yamala okukola ebintu ebyo nnamugamba adde gye ndi,+ naye teyadda; ne Yuda yatunuuliranga muganda we ow’enkwe.+  Bwe nnalaba ekyo ne ngoba Isirayiri ataali mwesigwa ne mmuwa ebbaluwa etugattulula,+ olw’okuba yayenda.+ Naye muganda we Yuda ow’enkwe teyatya; naye yagenda n’akola obwamalaaya.+  Obwamalaaya bwe yabutwala ng’ekintu ekitono, era yayonoonanga ensi, era n’ayendanga ku mayinja n’emiti.+ 10  Wadde ebyo byaliwo, muganda we Yuda ow’enkwe teyadda gye ndi n’omutima gwe gwonna; yeefuula bwefuuzi ng’akomyewo,’ Yakuwa bw’agamba.” 11  Awo Yakuwa n’aŋŋamba nti: “Isirayiri atali mwesigwa yeeraze nga mutuukirivu okusinga Yuda ow’enkwe.+ 12  Genda olangirire ebigambo bino eri obukiikakkono:+ “‘“Ggwe Isirayiri omujeemu, komawo,” Yakuwa bw’agamba.’+ ‘“Sijja kukutunuuliza busungu,+ kubanga ndi mwesigwa,” Yakuwa bw’agamba.’ ‘“Sijja kusigala nga ndi musunguwavu mirembe gyonna. 13  Kkiriza ensobi yo, kubanga ojeemedde Yakuwa Katonda wo. Weeyongera okugoberera* b’otomanyi* wansi wa buli muti ogulina ebikoola ebingi, naye tewagondera ddoboozi lyange,” Yakuwa bw’agamba.’” 14  “Mmwe abaana abajeemu, mukomeewo,” Yakuwa bw’agamba. “Kubanga nfuuse mukama wammwe* ddala; nja kubaggyayo, omu okuva mu kibuga, n’ababiri okuva mu kika, mbaleete ku Sayuuni.+ 15  Nja kubawa abasumba omutima gwange be gwagala,+ era bajja kubawa okumanya n’okutegeera. 16  Mujja kwala era mujja kweyongera obungi mu nsi mu kiseera ekyo,” Yakuwa bw’agamba.+ “Temuliddamu kugamba nti, ‘Ssanduuko y’endagaano ya Yakuwa!’ Temuligirowoozaako, era temuligijjukira wadde okugisaalirwa, era teriddamu kukolebwa. 17  Mu kiseera ekyo Yerusaalemi balikiyita entebe ya Yakuwa;+ era amawanga gonna galikuŋŋaanyizibwa e Yerusaalemi okutendereza erinnya lya Yakuwa,+ era baliba tebakyagugubira ku kya kugoberera mitima gyabwe emibi.” 18  “Mu kiseera ekyo ab’ennyumba ya Yuda balitambulira wamu n’ab’ennyumba ya Isirayiri,+ era baliva mu nsi ey’ebukiikakkono nga bali wamu ne bajja mu nsi gye nnawa bajjajjammwe ng’obusika.+ 19  Nnagamba muli nti, ‘Nga nnakuteeka mu baana bange ne nkuwa ensi ennungi, eky’obusika ekisingayo obulungi mu mawanga gonna!’*+ Ate era nnalowooza nti mujja kumpita nti, ‘Kitange!’ era nti temujja kulekera awo kungoberera. 20  ‘Ddala ng’omukazi bw’alyamu bba* olukwe n’amuleka, nammwe bwe mutyo bwe mundiddemu olukwe, mmwe ab’ennyumba ya Isirayiri,’+ Yakuwa bw’agamba.” 21  Ku busozi obutaliiko bimera eddoboozi liwulirwa,Abayisirayiri bakaaba era beegayirira,Kubanga bakyamizza ekkubo lyabwe;Beerabidde Yakuwa Katonda waabwe.+ 22  “Mukomeewo mmwe abaana abajeemu. Nja kuwonya omutima gwammwe omujeemu.”+ “Tuutuno! Tuzze gy’oli,Kubanga ggwe Katonda waffe, Ai Yakuwa.+ 23  Twali twerimba bwe twawogganiranga ku busozi ne ku nsozi.+ Ddala Yakuwa ye mulokozi wa Isirayiri.+ 24  Okuva mu buvubuka bwaffe, katonda aswaza abadde atwala ebintu byonna bajjajjaffe bye baateganira,+Ebisibo byabwe n’amagana gaabwe,Batabani baabwe ne bawala baabwe. 25  Ka tugalamire mu buswavu bwaffe,Era obuswavu bwaffe ka butubikke,Kubanga twonoonye mu maaso ga Yakuwa Katonda waffe,+Ffe ne bakitaffe okuva mu buvubuka bwaffe okutuuka ku lunaku luno,+Era tetugondedde ddoboozi lya Yakuwa Katonda waffe.”

Obugambo Obuli Wansi

Obut., “Olina ekyenyi ekiringa ekya.”
Obut., “okusaasaanya amakubo go eri.”
Oba, “bakatonda abalala.”
Era kiyinza okuvvuunulwa, “mwami wammwe.”
Obut., “mu magye g’amawanga.”
Obut., “munne.”