Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Bayibuli Eri ku Mukutu Gwaffe | ENKYUSA EY'ENSI EMPYA EY'EBYAWANDIIKIBWA EBITUKUVU

Oluyimba lwa Sulemaani 8:1-14

EBIRIMU

  • Omuwala (1-4)

    • “Singa wali nga mwannyinaze” (1)

  • Bannyina b’omuwala (5a)

    • ‘Ani oyo eyeesigamye ku mwagalwa we?’

  • Omuwala (5b-7)

    • “Okwagala kwa maanyi ng’okufa” (6)

  • Bannyina b’omuwala (8, 9)

    • “Bw’aba bbugwe, . . . naye bw’aba luggi, . . .” (9)

  • Omuwala (10-12)

    • “Ndi bbugwe” (10)

  • Omusumba (13)

    • ‘Ka mpulire eddoboozi lyo’

  • Omuwala (14)

    • “Wenyuka ng’enjaza”

8  “Singa wali nga mwannyinaze,Eyayonka amabeere ga mmange! Bwe nnandikusanze ebweru, nnandikunywegedde,+Era tewali yandinnyoomye.   Nnandikututte;Nnandikuyingizza mu nnyumba ya mmange,+Eyanjigirizanga. Nnandikuwadde omwenge oguteereddwamu ebirungo n’onywa,N’omubisi ogusogoddwa mu nkomamawanga.   Omukono gwo ogwa kkono gwandibadde wansi w’omutwe gwange,N’omukono gwo ogwa ddyo gwandimpambaatidde.+   Mmwe abawala ba Yerusaalemi mbalayiza: Temugolokosanga kwagala kwange newakubadde okukuzuukusa okutuusa we kulyagalira.”+   “Ani oyo ava mu ddungu,Nga yeesigamye ku mwagalwa we?” “Nnakuzuukusa ng’oli wansi w’omuti gwa apo. Awo nnyoko we yalumirwa ng’akuzaala. Awo ebisa we byalumira eyakuzaala.   Nteeka ku mutima gwo ng’akabonero,Nteeka ku mukono gwo ng’akabonero,Kubanga okwagala kwa maanyi ng’okufa,+Era obwesigwa bunywereza ddala ng’amagombe.* Okwagala kulinga ennimi z’omuliro ogubumbujja, ennimi z’omuliro gwa Ya.*+   Amazzi agayira tegasobola kuzikiza kwagala,+N’emigga tegisobola kukutwala.+ Omuntu ne bwe yandiwaddeyo obugagga bwonna obw’omu nnyumba ye olw’okwagala,Bwandibadde bunyoomebwa* nnyo.”   “Tulina mwannyinaffe omuto,+Atannasuna mabeere. Tulimukolera kiKu lunaku lwe balimwogereza?”   “Bw’aba bbugwe,Tujja kumuzimbako omuziziko ogwa ffeeza,Naye bw’aba luggi,Tulimukubako olubaawo olw’entolokyo.” 10  “Ndi bbugwe,N’amabeere gange galinga eminaala. N’olwekyo mu maaso ge nningaOmuntu afunye emirembe. 11  Sulemaani yalina ennimiro y’emizabbibu+ mu Bbaali-Kamooni. Ennimiro eyo yagikwasa abantu bagirabirire. Olw’ebibala ebyalimu, buli omu ku bo yaleetanga ebitundu bya ffeeza lukumi. 12  Ennimiro yange ey’emizabbibu yange. Ggwe Sulemaani, ebitundu bya ffeeza olukumi bibyo,*Ate ebitundu bya ffeeza ebikumi ebibiri by’abo abagirabirira.” 13  “Ggwe abeera mu nnimiro,+Bannange balindiridde okuwulira eddoboozi lyo. Nange ka ndiwulire.”+ 14  “Omwagalwa wange, yanguwa,Era wenyuka ng’enjaza+Oba ng’empeewo entoKu nsozi eziriko ebimera eby’akaloosa.”

Obugambo Obuli Wansi

Laba Awanny.
“Ya” lye linnya Yakuwa nga lisaliddwako.
Era kiyinza okuvvuunulwa, “Yandibadde anyoomebwa.”
Obut., “olukumi lulwo.”