Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Bayibuli Eri ku Mukutu Gwaffe | ENKYUSA EY'ENSI EMPYA EY'EBYAWANDIIKIBWA EBITUKUVU

Oluyimba lwa Sulemaani 1:1-17

EBIRIMU

  • Oluyimba olusinga ennyimba zonna (1)

  • Omuwala (2-7)

  • Abawala ba Yerusaalemi (8)

  • Kabaka (9-11)

    • “Tujja kukukolera amajolobero aga zzaabu” (11)

  • Omuwala (12-14)

    • ‘Omwagalwa wange alinga akasawo akawunya obulungi akalimu miira’ (13)

  • Omusumba (15)

    • “Olabika bulungi omwagalwa wange”

  • Omuwala (16, 17)

    • “Omwagalwa wange olabika bulungi” (16)

1  Oluyimba olusinga ennyimba zonna,* nga lwe lwa Sulemaani:+   “Nnywegera n’emimwa gyo,Kubanga omukwano gw’olaga gusinga omwenge.+   Amafuta go galina akaloosa akalungi.+ Erinnya lyo liringa amafuta ag’akaloosa agafukiddwa ku mutwe.+ Abawala kyebava bakwagala.   Ntwala gy’olaga; tudduke. Kabaka annyingizza mu bisenge bye. Ka tusanyuke era tujagulize wamu. Ka tutende* omukwano gw’olaga; omukwano gw’olaga gusinga omwenge. Ogwanira okwagala kwabwe.*   Mmwe abawala ba Yerusaalemi, ndi muwala muddugavu naye ndabika bulungi,Nninga weema z’e Kedali,+ nninga emitanda gya weema+ za Sulemaani.   Temuntunuulira olw’okuba ndi muddugavu,Omusana gunjokezza. Bannyinaze baansunguwalira;Baampa ogw’okulabirira ennimiro z’emizabbibu,Ne sisobola kulabirira nnimiro yange.   Ggwe gwe njagala ennyo,Mbuulira gy’olundira ekisibo kyo,+Era gy’okigalamiza mu ttuntu. Lwaki mbeera ng’omukazi eyeebisse ekitambaala* ku maasoNga ndi mu bisibo bya banno?”   “Ggwe asinga abakazi bonna obulungi, bw’oba nga tomanyi,Genda ng’ogoberera ekisinde ky’ekisiboOlundire embuzi zo ento okumpi ne weema z’abasumba.”   “Omwagalwa wange ondabikira bulungi ng’embalaasi* enkazi eri ku magaali ga Falaawo.+ 10  Amajolobero galabisa bulungi amatama go,Embira zirabisa bulungi obulago bwo. 11  Tujja kukukolera amajolobero aga zzaabu,Agatonaatoneddwako ffeeza.” 12  “Kabaka bw’aba atudde ku mmeeza ye,Amafuta gange ag’akaloosa+ gawunyira bulungi omwagalwa wange. 13  Gye ndi omwagalwa wange alinga akasawo akalimu miira akawunya obulungi+Akasula mu kifuba kyange. 14  Gye ndi omwagalwa wange alinga ekiganda kya kofera*+Mu nnimiro z’emizabbibu ez’omu Eni-gedi.”+ 15  “Ng’olabika bulungi omwagalwa wange! Ng’olabika bulungi! Amaaso go galinga ag’ejjiba.”+ 16  “Naawe olabika bulungi omwagalwa wange, era osanyusa.+ Ekiriri kyaffe kya bikoola. 17  Emirabba gy’ennyumba yaffe* gya miti gy’entolokyo,Embaawo z’akasolya kaffe za miberosi.

Obugambo Obuli Wansi

Oba, “olulungi ennyo.”
Oba, “tulombojje.”
Kwe kugamba, okw’abawala.
Oba, “ekitambaala ekyebikkirirwa mu kukungubaga.”
Oba, “ng’embalaasi yange.”
Oba “yina.” Kimera omuggibwa langi emmyukirivu.
Oba, “gy’ennyumba yaffe ennungi.”