Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Okuva 6:1-30

EBIRIMU

  • Katonda addamu okusuubiza okubanunula (1-13)

    • Amakulu g’erinnya lya Yakuwa tegaamanyibwa (2, 3)

  • Olunyiriri lw’obuzaale bwa Musa ne Alooni (14-27)

  • Musa wa kuddamu okugenda mu maaso ga Falaawo (28-30)

6  Awo Yakuwa n’agamba Musa nti: “Kaakano ojja kulaba kye nnaakola Falaawo.+ Omukono ogw’amaanyi gujja kumuwaliriza okubaleka bagende, era omukono ogw’amaanyi gujja kumuwaliriza okubagoba mu nsi ye.”+  Awo Katonda n’agamba Musa nti: “Nze Yakuwa.  Nnalabikiranga Ibulayimu ne Isaaka ne Yakobo nga Katonda Omuyinza w’Ebintu Byonna,+ naye saabamanyisa+ makulu ga linnya lyange Yakuwa.*+  Era nnakola nabo endagaano okubawa ensi ya Kanani gye baabeerangamu ng’abagwira.+  Kaakano mpulidde okusinda kw’Abayisirayiri, Abamisiri be bafudde abaddu, era nzijukira endagaano yange.+  “N’olwekyo gamba Abayisirayiri nti: ‘Nze Yakuwa; nja kubatikkula emigugu gy’Abamisiri, era mbanunule mulekere awo okuba abaddu baabwe;+ nja kubanunula n’omukono ogugoloddwa* era mbonereze nnyo Abamisiri.+  Nja kubasembeza mube bantu bange era nja kubeera Katonda wammwe,+ era mujja kumanya nti nze Yakuwa Katonda wammwe abatikkula emigugu gya Misiri.  Nja kubatwala mu nsi gye nnalayira* okuwa Ibulayimu, Isaaka, ne Yakobo; era nja kugibawa ebe yammwe.+ Nze Yakuwa.’”+  Oluvannyuma Musa yatuusa obubaka obwo ku Bayisirayiri, naye tebaamuwuliriza olw’okuba baali baweddemu amaanyi n’olw’okuba baali bayisibwa bubi nnyo ng’abaddu.+ 10  Awo Yakuwa n’agamba Musa nti: 11  “Genda ogambe Falaawo kabaka wa Misiri aleke Abayisirayiri bave mu nsi ye.” 12  Naye Musa n’agamba Yakuwa nti: “Laba! Abayisirayiri tebampulirizza;+ kati olwo Falaawo anampuliriza atya nze atayogera bulungi?”*+ 13  Naye Yakuwa n’addamu n’ategeeza Musa ne Alooni ebiragiro bye baali ab’okutegeeza Abayisirayiri ne Falaawo kabaka wa Misiri, okusobola okuggya Abayisirayiri mu nsi ya Misiri. 14  Bano be bakulu b’ennyumba za bakitaabwe: Batabani ba Lewubeeni, omubereberye wa Isirayiri+ be bano: Kanoki, Palu, Kezulooni, ne Kalumi.+ Abo be b’empya z’ekika kya Lewubeeni. 15  Bano be batabani ba Simiyoni: Yemweri, Yamini, Okadi, Yakini, Zokali, ne Sawuli omwana w’omukazi Omukanani.+ Abo be b’empya z’ekika kya Simiyoni. 16  Gano ge mannya ga batabani ba Leevi+ okusinziira ku buzaale bwabwe: Gerusoni, Kokasi, ne Merali.+ Leevi yawangaala emyaka 137. 17  Batabani ba Gerusoni okusinziira ku mpya zaabwe be bano: Libuni ne Simeeyi.+ 18  Batabani ba Kokasi be bano: Amulaamu, Izukali, Kebbulooni, ne Wuziyeeri.+ Kokasi yawangaala emyaka 133. 19  Batabani ba Merali be bano: Makuli ne Musi. Abo be b’ennyumba z’Abaleevi okusinziira ku buzaale bwabwe.+ 20  Amulaamu yawasa Yokebedi mwannyina wa kitaawe,+ era oluvannyuma Yokebedi yamuzaalira Alooni ne Musa.+ Amulaamu yawangaala emyaka 137. 21  Batabani ba Izukali be bano: Koola,+ Nefegi, ne Zikuli. 22  Batabani ba Wuziyeeri be bano: Misayeri, Erizafani,+ ne Sisiri. 23  Alooni yawasa Eriseba muwala wa Amminadaabu era mwannyina wa Nakusoni.+ Eriseba yamuzaalira Nadabu, Abiku, Eriyazaali, ne Isamaali.+ 24  Batabani ba Koola be bano: Assiri ne Erukaana ne Abiyasaafu.+ Abo be b’ennyumba z’Abakoola.+ 25  Eriyazaali+ mutabani wa Alooni yawasa omu ku bawala ba Putiyeeru. Oluvannyuma n’amuzaalira Fenekaasi.+ Abo be bakulu ba bakitaabwe b’Abaleevi okusinziira ku mpya zaabwe.+ 26  Ono ye Alooni ne Musa, Yakuwa be yagamba nti: “Muggye Abayisirayiri mu nsi ya Misiri nga bali mu bibinja.”*+ 27  Be baayogera ne Falaawo kabaka wa Misiri okuggya Abayisirayiri e Misiri. Ono ye Musa ne Alooni.+ 28  Ku lunaku Yakuwa lwe yayogera ne Musa mu nsi ya Misiri, 29  Yakuwa yagamba Musa nti: “Nze Yakuwa. Gamba Falaawo kabaka wa Misiri ebintu byonna bye nkugamba.” 30  Naye Musa n’agamba Yakuwa nti: “Falaawo anampuliriza+ atya nze atayogera bulungi?”*

Obugambo Obuli Wansi

Obut., “naye ku bikwata ku linnya lyange Yakuwa, seemanyisa gye bali.”
Oba, “ogw’amaanyi.”
Obut., “nnayimusa omukono gwange.”
Obut., “ow’emimwa egitali mikomole.”
Obut., “okusinziira ku magye gaabwe.”
Obut., “ow’emimwa egitali mikomole.”