Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Bayibuli Eri ku Mukutu Gwaffe | ENKYUSA EY'ENSI EMPYA EY'EBYAWANDIIKIBWA EBITUKUVU

Okukungubaga 2:1-22

EBIRIMU

  • Obusungu bwa Yakuwa bubuubuukidde Yerusaalemi

    • Tewali kusaasira (2)

    • Yakuwa alinga omulabe we (5)

    • Sayuuni bakikaabira (11-13)

    • Abayitawo bakudaalira ekibuga ekyali kirabika obulungi (15)

    • Abalabe ba Sayuuni bajaganya olw’okuba kigudde (17)

א [Alefu] 2  Yakuwa abisse ku muwala wa Sayuuni ekire eky’obusungu bwe. Obulungi bwa Isirayiri abusudde ku nsi okuva mu ggulu.+ Tajjukidde ntebe ya bigere bye+ ku lunaku olw’obusungu bwe. ב [Besu]   Ebifo byonna Yakobo mw’abeera Yakuwa abizikirizza awatali kusaasira. Mu busungu bwe, amenye ebigo bya muwala wa Yuda.+ Assizza wansi era n’atyoboola obwakabaka+ n’abakungu be.+ ג [Gimeri]   Mu busungu bwe obubuubuuka atemye buli jjembe lya Isirayiri.* Yaggyayo omukono gwe ogwa ddyo ng’omulabe azze,+Obusungu bwe bwabuubuukira Yakobo ng’omuliro ogwokya byonna ebigwetoolodde.+ ד [Dalesi]   Awese omutego gwe ng’omulabe; okufaananako omulabe, ateeseteese omukono gwe ogwa ddyo okulumba;+Yattanga abo bonna abaali basanyusa amaaso gaffe.+ Yafuka obusungu bwe ng’omuliro+ mu weema ya muwala wa Sayuuni.+ ה [Ke]   Yakuwa afuuse ng’omulabe;+Azikirizza Isirayiri. Azikirizza eminaala gye gyonna;Azikirizza ebigo byonna. Aleetedde muwala wa Yuda okukungubaga ennyo n’okukuba ebiwoobe. ו [Wawu]   Amenye ensiisira ye+ ng’amenya akasiisira ak’omu nnimiro. Akomezza* embaga ye.+ Yakuwa aleetedde embaga ne ssabbiiti okwerabirwa mu Sayuuni,Era mu busungu bwe obungi tafuddeeyo ku kabaka ne kabona.+ ז [Zayini]   Yakuwa yeesambye ekyoto kye;Yeesambye ekifo kye ekitukuvu.+ Awaddeyo ebisenge by’eminaala gya Sayuuni mu mukono gw’omulabe.+ Baaleekanira mu nnyumba ya Yakuwa,+ nga bwe kiba ku lunaku lw’embaga. ח [Kesu]   Yakuwa amaliridde okuzikiriza bbugwe w’omuwala wa Sayuuni.+ Aleeze omuguwa ogupima.+ Omukono gwe tagukugidde kuzikiriza.* Aleetera ekigo ne bbugwe okukungubaga. Byonna binafuye. ט [Tesu]   Enzigi ze zisse wansi mu ttaka.+ Azikirizza era amenye ebisiba bye. Kabaka we n’abakungu be bali mu mawanga.+ Tewali n’omu agoberera mateeka;* ne bannabbi tebafuna kwolesebwa okuva eri Yakuwa.+ י [Yodi] 10  Abakadde ba muwala wa Sayuuni batuula wansi ku ttaka ne basirika.+ Bayiwa enfuufu ku mitwe gyabwe era bambala ebibukutu.+ Abawala embeerera ab’omu Yerusaalemi bakutamye ne bateeka emitwe gyabwe ku ttaka. כ [Kafu] 11  Amaaso gange gakooye olw’okukaaba.+ Ebyenda bintokota. Ekibumba kyange kiyiise ku ttaka, olw’okugwa kwa muwala w’abantu bange,+N’olw’abaana abato n’abawere abazirikira mu bibangirizi by’ekibuga.+ ל [Lamedi] 12  Babuuza bannyaabwe nti, “Emmere n’omwenge biri wa?”+ Olw’okuba bazirikira mu bibangirizi by’ekibuga ng’omuntu atuusiddwako ebisago,Ng’obulamu bugenda bubaggwaamu nga bali mu mikono gya bannyaabwe. מ [Memu] 13  Nkuwe kyakulabirako ki,Oba nkufaananye ki ggwe muwala wa Yerusaalemi? Nkugeraageranye ku ki okukubudaabuda ggwe muwala wa Sayuuni embeerera? Kubanga ekiwundu kyo kinene okwenkana ennyanja.+ Ani ayinza okukuwonya?+ נ [Nuni] 14  Bannabbi bo bye baalaba mu kwolesebwa ku lulwo byali bya bulimba era tebyalimu nsa,+Tebaayanika nsobi zo oleme okutwalibwa mu buwambe,+Naye baakubuuliranga okwolesebwa okw’obulimba era okubuzaabuza.+ ס [Sameki] 15  Abo bonna abayitawo ku luguudo bakuba mu ngalo okwoleka obunyoomi.+ Bafuuwa oluwa olw’okwewuunya+ era ne banyeenyeza muwala wa Yerusaalemi omutwe, nga bagamba nti: “Kino kye kibuga kye baayogerangako nti, ‘Kyalungiwa ne kituukirira, essanyu ly’ensi yonna’?”+ פ [Pe] 16  Abalabe bo bonna bakujerega. Bafuuwa oluwa era ne baluma obugigi ne bagamba nti: “Tumumize.+ Luno lwe lunaku lwe tubadde tulindirira!+ Lutuuse era tululabye!”+ ע [Ayini] 17  Yakuwa akoze nga bwe yayagala;+ atuukirizza kye yagamba,+Kye yalagira edda.+ Amenye awatali kusaasira.+ Aleetedde omulabe okukuwangula n’ajaganya; agulumizza amaanyi* g’abalabe bo. צ [Sade] 18  Ggwe bbugwe wa muwala wa Sayuuni, omutima gw’abantu gukaabirira Yakuwa,Amaziga ka gakulukute ng’omugga emisana n’ekiro. Teweewummuzaamu, eriiso lyo* toliwummuza. ק [Kofu] 19  Situka! Kaaba ekiro, ng’ebisisimuka byakatandika. Tegeeza Yakuwa byonna ebikuli ku mutima ng’okaaba amaziga. Wanika emikono gyo gy’ali olw’obulamu bw’abaana bo,Abazirikira olw’enjala ku buli luguudo.+ ר [Lesu] 20  Laba, Ai Yakuwa, tunula ku oyo gw’obonerezza. Mazima ddala abakazi balye abaana baabwe,* abaana baabwe be baazaala?+ Era ne bakabona ne bannabbi battirwe mu kifo kya Yakuwa ekitukuvu?+ ש [Sini] 21  Emirambo gy’abalenzi n’abasajja abakadde giri mu nguudo.+ Bawala bange embeerera n’abavubuka battiddwa ekitala.+ Osse ku lunaku olw’obusungu bwo; osse awatali kusaasira.+ ת [Tawu] 22  Oyita entiisa okuva ku njuyi zonna, nga gy’obeera nti ogiyitira olunaku olw’embaga.+ Ku lunaku olw’obusungu bwa Yakuwa, tewali n’omu yasimattuka wadde okuwonawo;+Abo be nnazaala* ne nkuza omulabe wange abazikirizza.+

Obugambo Obuli Wansi

Oba, “aggyeewo amaanyi ga Isirayiri gonna.”
Oba, “Azikirizza.”
Obut., “kumira.”
Oba, “bulagirizi.”
Obut., “ejjembe.”
Obut., “muwala w’eriiso lyo.”
Oba, “ebibala by’enda yaabwe.”
Oba, “nnazaala nga balamu bulungi.”