Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Kaabakuuku 3:1-19

EBIRIMU

  • Nnabbi asaba Yakuwa abeeko ky’akolawo (1-19)

    • Katonda ajja kulokola abantu be abaafukibwako amafuta (13)

    • Okusanyukira mu Yakuwa ne bwe tuba mu mbeera enzibu (17, 18)

3  Okusaba kwa nnabbi Kaabakuuku, mu bigambo eby’okukungubaga:*   Ai Yakuwa, mpulidde ebikukwatako. Ai Yakuwa, ntidde olw’ebikolwa byo. Ddamu obikole wakati mu myaka!* Bimanyise wakati mu myaka.* Jjukira okusaasira mu kiseera ekya kazigizigi.+   Katonda yajja ng’ava mu Temani,Omutukuvu yava ku Lusozi Palani.+ (Seera)* Ekitiibwa kye kyabikka eggulu;+Ensi yajjula ettendo lye.   Yali ayaka nnyo ng’omusana.+ Ebimyanso bibiri byava mu mukono gwe,Amaanyi ge mwe gaali gakwekeddwa.   Obulwadde obw’amaanyi bwamukulemberamu,+Omusujja ne gumuvaako emabega.   Yayimirira n’akankanya ensi.+ Yatunuulira amawanga n’agaleetera okukankana.+ Ensozi ez’olubeerera zaabetentebwa,Obusozi obw’edda bwavunnama.+ Amakubo ag’edda gage.   Nnalaba omutawaana mu weema za Kusani. Engoye za weema z’ensi ya Midiyaani zaakankana.+   Ai Yakuwa, emigga gy’osunguwalidde,Obusungu bwo bubuubuukira migga? Oba ennyanja gy’olinako ekiruyi?+ Weebagala embalaasi zo;+Amagaali go gaawangula.*+   Omutego gwo ogw’obusaale gubikkuddwa era guteekeddwateekeddwa. Emiggo* giweereddwa emirimu gyagyo okusinziira ku kirayiro. (Seera) Ensi wagyasaamu ng’okozesa emigga. 10  Ensozi zaakulaba ne zeenyoola olw’obulumi obw’amaanyi.+ Enkuba ey’amaanyi yabuna wonna. Obuziba bwawuluguma.+ Bwayimusa emikono gyabwo waggulu. 11  Enjuba n’omwezi byayimirira mu bifo byabyo waggulu.+ Obusaale bwo obutemegana bwafubutukayo.+ Effumu lyo lyali litemagana ng’ekimyanso. 12  Watambula n’oyita mu nsi ng’osunguwadde. Walinnyirira* amawanga mu busungu. 13  Wagenda okulokola abantu bo, okulokola owuwo eyafukibwako amafuta. Wabetenta omukulembeze* w’ennyumba y’omubi. Ennyumba yamenyebwamenyebwa okuva ku musingi okutuuka ku kasolya.* (Seera) 14  Wakozesa eby’okulwanyisa bye* n’ofumita omutwe gw’abalwanyi be,Bwe baafubutuka okujja okunsaasaanya. Baasanyuka nnyo okusaanyaawo omunaku mu kyama. 15  Wayita mu nnyanja n’ogirinnyirira n’embalaasi zo,Wayita mu mazzi amangi agabimba. 16  Nnawulira, olubuto lwange ne lukankana;*Emimwa gyange gyakankana olw’amawulire. Okuvunda kwayingira mu magumba gange;+Amagulu gange gaakankana. Naye nnindirira n’obukkakkamu olunaku olw’obuyinike,+Kubanga lujjira abo abatulumba. 17  Omutiini ne bwe gutaamulise,Era n’emizabbibu ne gitabala;Emizeyituuni ne bwe gitasseeko bibala,N’ennimiro ne zitabaamu mmere;Ebisibo ne bwe bitaabeemu bisolo,Era n’ebiraalo ne bitabaamu nte; 18  Nze nja kusanyukira mu Yakuwa;Nja kujaguliza mu Katonda ow’obulokozi bwange.+ 19  Yakuwa Mukama Afuga Byonna ge maanyi gange;+Ebigere byange ajja kubifuula ng’eby’empeewo,Antambulize ku bifo ebigulumivu.+

Obugambo Obuli Wansi

Oba, “mu nnyimba ez’okukungubaga.”
Era kiyinza okuvvuunulwa, “mu kiseera kyaffe.”
Era kiyinza okuvvuunulwa, “mu kiseera kyaffe.”
Laba Awanny.
Oba, “bwe bwali obulokozi.”
Era kiyinza okuvvuunulwa, “Obusaale.”
Obut., “Wawuula.”
Obut., “omutwe.”
Obut., “mu bulago.”
Obut., “emiggo gye.”
Oba, “ne nkankana munda yange.”