Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Isaaya 63:1-19

EBIRIMU

  • Yakuwa awoolera eggwanga ku mawanga (1-6)

  • Okwagala okutajjulukuka Yakuwa kwe yalaga mu biseera eby’edda (7-14)

  • Essaala ey’okwenenya (15-19)

63  Ani oyo ava mu Edomu,+Ava mu Bozula+ ng’ayambadde ebyambalo ebya langi enkyamufu,Ayambadde engoye ez’ekitiibwa,Atambuza amaanyi amangi? “Ye nze, ayogera eby’obutuukirivu,Alina amaanyi amangi okulokola.”   Lwaki engoye zo mmyufu,Era lwaki ebyambalo byo biringa eby’omuntu asambirira ezzabbibu mu ssogolero?+   “Nnasambirira ezzabbibu mu ssogolero* nga ndi bw’omu. Tewali muntu yenna yali nange. Nnabasambirira mu busungu bwange,Era nnabalinnyirira mu kiruyi kyange.+ Omusaayi gwabwe gwasammuka ku byambalo byange,Era engoye zange zonna zijjudde amabala.   Kubanga olunaku olw’okuwoolerako eggwanga luli mu mutima gwange,+N’omwaka gwe banaanunulibwamu gutuuse.   Nnatunula, naye tewaali annyamba;Nneewuunya nti tewali n’omu yannyamba. Omukono gwange gwe gwandokola,*+Era obusungu bwange bwe bwannyamba.   Nnasambirira amawanga mu busungu bwange,Nnabatamiiza n’ekiruyi kyange+Ne ngiwa omusaayi gwabwe ku ttaka.”   Nja kwogera ku bikolwa bya Yakuwa eby’okwagala okutajjulukuka,Ebikolwa bya Yakuwa eby’ettendo,Olw’ebyo byonna Yakuwa by’atukoledde,+Ebintu ebirungi ebingi by’akoledde ennyumba ya Isirayiri,Olw’okusaasira kwe n’olw’okwagala kwe okungi okutajjulukuka.   Kubanga yagamba nti: “Mazima ddala bantu bange, baana abatalirema kubeera beesigwa.”+ Kyeyava abeera Omulokozi waabwe.+   Mu kubonaabona kwabwe kwonna yalumwanga.+ Era omubaka we* yabalokola.+ Mu kwagala kwe ne mu kusaasira kwe, yabanunula,+N’abayimusa era n’abasitula mu nnaku zonna ez’edda.+ 10  Naye baajeema+ ne banakuwaza omwoyo gwe omutukuvu.+ Kyeyava afuuka omulabe waabwe,+N’abalwanyisa.+ 11  Awo ne bajjukira ennaku ez’edda,Ennaku za Musa omuweereza we, ne bagamba nti: “Ali ludda wa Oyo eyabayisa mu nnyanja+ nga muli wamu n’abasumba b’ekisibo kye?+ Ali ludda wa Oyo eyamussaamu omwoyo gwe omutukuvu,+ 12  Oyo eyatambuliza omukono gwe ogw’ekitiibwa awamu n’omukono gwa Musa ogwa ddyo,+Oyo eyayawulamu amazzi mu maaso gaabwe+Asobole okwekolera erinnya ery’olubeerera,+ 13  Oyo eyabayisa mu mazzi agaali geetuumye,Ne batambula nga tebeesittadde,Ng’embalaasi bw’etambulira ku ttale?* 14  Ng’ebisibo bwe biba nga bigenze mu lusenyi,Omwoyo gwa Yakuwa gwabawummuza.”+ Bw’otyo bwe wakulembera abantu bo,Osobole okwekolera erinnya ery’ekitiibwa.*+ 15  Tunula wansi ng’oyima mu ggulu olabeNg’oyima mu kifo kyo ky’obeeramu ekitukuvu era eky’ekitiibwa.* Lwaki tokyafaayo? Lwaki tokyakozesa maanyi go? Ekisa kyo ekyefukuta+ era n’okusaasira kwo biri ludda wa?+ Tebindagiddwa. 16  Ggwe Kitaffe;+Wadde nga Ibulayimu ayinza obutatumanyaEra nga ne Isirayiri ayinza obutatutegeera,Ggwe, Ai Yakuwa, ggwe Kitaffe. Omununuzi waffe ow’edda lye linnya lyo.+ 17  Ai Yakuwa, lwaki otuleka ne tuva mu makubo go? Lwaki oleka emitima gyaffe okuguba, ne tuba nga tetukutya?+ Komawo ku lw’abaweereza bo,Ebika by’obusika bwo.+ 18  Abantu bo abatukuvu baabeera mu nsi okumala ekiseera kitono. Abalabe baffe balinnyiridde ekifo kyo ekitukuvu.+ 19  Okumala ekiseera kiwanvu tubadde ng’abo b’otofugangako,Tubadde ng’abo abatayitibwangako linnya lyo.

Obugambo Obuli Wansi

Kwe kugamba, eryato erisogolerwamu omwenge.
Oba, “gwe gwandeetera obuwanguzi.”
Oba, “malayika eyava mu maaso ge.”
Oba, “mu ddungu?”
Oba, “eddungi.”
Oba, “ekirabika obulungi.”