Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

Engero 20:1-30

EBIRIMU

  • Omwenge mukudaazi (1)

  • Abagayaavu tebalima mu budde obunnyogovu (4)

  • Ebirowoozo by’omuntu biringa amazzi ag’ebuziba (5)

  • Okulabulwa ku kwanguyiriza okweyama (25)

  • Ekitiibwa ky’abavubuka ge maanyi gaabwe (29)

20  Omwenge mukudaazi,+ n’ebitamiiza tebifugika;+Omuntu yenna awaba olw’ebintu ebyo taba wa magezi.+   Entiisa ya kabaka eringa okuwuluguma kw’empologoma;+Buli amusunguwaza ateeka obulamu bwe mu kabi.+   Kya kitiibwa omuntu okwewala enkaayana,+Naye buli muntu omusirusiru ajja kuzeeyingizaamu.+   Omugayaavu talima mu budde obunnyogovu,Kyava asabiriza mu kiseera eky’amakungula kubanga aba talina kantu.*+   Ebirowoozo* by’omu mutima gw’omuntu biringa amazzi ag’ebuziba,Naye omuntu omutegeevu abisenayo.   Abantu bangi bagamba nti balina okwagala okutajjulukuka,Naye ani ayinza okuzuula omuntu omwesigwa?   Omutuukirivu atambulira mu bugolokofu.+ Abaana be* baba basanyufu.+   Kabaka bw’atuula ku ntebe ye okulamula,+Yeekenneenya ebintu byonna asobole okuggyamu buli kibi.+   Ani ayinza okugamba nti: “Ntukuzza omutima gwange;+Sirina kibi kyonna”?+ 10  Ebipimo ebikyamu ne minzaani ezitali ntuufu*—Byombi Yakuwa abikyawa.+ 11  Omwana* by’akola bye biraga ki ky’ali,Obanga empisa ze nnongoofu era nga nnungi.+ 12  Amatu agawulira n’amaaso agalaba—Byombi Yakuwa ye yabikola.+ 13  Toyagalanga kwebaka, si kulwa ng’oyavuwala.+ Zibula amaaso go, obenga n’emmere nnyingi ey’okulya.+ 14  Omuguzi agamba nti, “ekintu si kirungi, ekintu si kirungi!” Ate oluvannyuma n’agenda ne yeewaana nga bw’akiguze ssente entono.+ 15  Waliwo zzaabu, n’amayinja ag’omuwendo ag’omu nnyanja* mangi,Naye emimwa gy’ab’amagezi gya muwendo nnyo.+ 16  Twala ekyambalo ky’omusajja eyeeyimirira omuntu gw’atamanyi;+Twala kye yasingawo bw’aba yakisingawo olw’omukazi omwenzi.*+ 17  Emmere omuntu gy’afuna mu makubo amakyamu emuwoomera,Naye oluvannyuma akamwa ke kajjula omusenyu.+ 18  Bwe wabaawo okuteesa enteekateeka zigenda bulungi,*+Era lwana olutalo lwo ng’olina obulagirizi obulungi.*+ 19  Awaayiriza abalala agenda ayasanguza ebyama;+Tokolagananga n’oyo abungeesa eŋŋambo.* 20  Oyo akolimira kitaawe ne nnyina,Ettaala ye ejja kuzikizibwa ng’enzikiza ekutte.+ 21  Obusika obufunibwa mu kululunkanaTebuba na mukisa ku nkomerero.+ 22  Togambanga nti: “Nja kuwoolera eggwanga!”+ Essuubi lyo lisse mu Yakuwa,+ ajja kukuyamba.+ 23  Ebipima ebikyamu* Yakuwa abikyawa,Ne minzaani ezitali ntuufu si nnungi. 24  Yakuwa y’aluŋŋamya ebigere by’omuntu;+Kale omuntu ayinza atya okutegeera ekkubo lye?* 25  Kuba kwesuula mu mutego omuntu okwanguwa okugamba nti, “Kitukuvu!”+ Ate oluvannyuma n’alyoka alowooza ku ebyo bye yeeyamye.+ 26  Kabaka ow’amagezi awewa abantu n’aggyamu ababi,+N’abayisaako nnamuziga ewuula.+ 27  Omukka oguva mu nnyindo y’omuntu ye ttaala ya Yakuwa,Eyoleka omuntu ky’ali munda. 28  Obwesigwa n’okwagala okutajjulukuka bikuuma kabaka;+Era okwagala okutajjulukuka kwe kunyweza entebe ye ey’obwakabaka.+ 29  Ekitiibwa ky’abavubuka ge maanyi gaabwe,+N’obulungi bw’abakaddiye ze nvi zaabwe.+ 30  Ebinuubule n’ebiwundu bimalawo* ebikolwa ebibi,+Era okukubibwa kulongoosa omutima.

Obugambo Obuli Wansi

Era kiyinza okuvvuunulwa, “Bajja kutunula mu kiseera eky’amakungula naye tebajja kufuna kantu konna.”
Oba, “Ebiruubirirwa.”
Obut., “Batabani be.”
Oba, “Amayinja agapima abiri agatenkana n’ebipimirwamu ebibiri ebitenkana.”
Oba, “Omulenzi.”
Laba Awanny.
Oba, “omugwira.”
Oba, “zinywera.”
Oba, “obulagirizi obw’amagezi.”
Oba, “asendasenda n’olulimi lwe.”
Oba, “amayinja agapima abiri agatenkana.”
Oba, “ekkubo ery’okukwata?”
Oba, “bigogola.”