Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Bayibuli Eri ku Mukutu Gwaffe | ENKYUSA EY'ENSI EMPYA EY'EBYAWANDIIKIBWA EBITUKUVU

Engero 13:1-25

EBIRIMU

  • Abaagala okubuulirirwa baba ba magezi (10)

  • Ekisuubirwa ekirwawo kirwaza omutima (12)

  • Omubaka omwesigwa aleeta ebirungi (17)

  • Okutambula n’ab’amagezi kifuula omuntu ow’amagezi (20)

  • Okukangavvula kiraga okwagala (24)

13  Omwana ow’amagezi akkiriza okubuulirira kwa kitaawe,+Naye omunyoomi tawuliriza ng’anenyezebwa.*+   Omuntu by’ayogera bye bimuviiramu ebirungi,+Naye ab’enkwe baagala bya bukambwe.   Oyo afuga akamwa ke* akuuma obulamu bwe,+Naye oyo ayasamya ennyo akamwa ke ajja kugwa mu mitawaana.+   Omugayaavu abaako ebintu bye yeegomba, naye tewali ky’alina,+Kyokka omunyiikivu afuna byonna by’ayagala.*+   Omutuukirivu akyawa obulimba,+Naye ebyo ababi bye bakola biswaza era biweebuula.   Obutuukirivu bukuuma oyo ataliiko kya kunenyezebwa,+Naye ebikolwa ebibi bisuula omwonoonyi.   Waliwo omuntu eyeeyisa ekigagga, naye nga talina kantu;+Ne wabaawo omulala eyeeyisa ng’omwavu, naye ng’alina eby’obugagga bingi.   Eby’obugagga by’omuntu bye binunula obulamu bwe,+Naye abaavu tebabaako kibatiisa.*+   Ekitangaala ky’abatuukirivu kyaka nnyo,*+Naye ettaala y’ababi ejja kuzikizibwa.+ 10  Okwetulinkiriza kuvaamu ennyombo,+Kyokka abo abanoonya okubuulirirwa* baba n’amagezi.+ 11  Eby’obugagga ebifunibwa amangu* biggwaawo mangu,+Naye eby’obugagga omuntu by’afuna empolampola* byeyongera okwala. 12  Ekisuubirwa* bwe kirwawo okutuuka, omutima gulwala,+Naye ekyegombebwa bwe kifunibwa kiba ng’omuti ogw’obulamu.+ 13  Oyo anyooma bye bamuyigiriza* ajja kwolekagana n’ebizibu ebinaavaamu,+Naye assa ekitiibwa mu kiragiro ajja kufuna empeera.+ 14  Okuyigiriza kw’omuntu* ow’amagezi ye nsibuko y’obulamu,+Kubanga kuwonya omuntu emitego gy’okufa. 15  Omuntu omutegeevu aganja,Naye ekkubo ly’ab’enkwe lijjudde ebizibu. 16  Omuntu omutegeevu yeeyisa mu ngeri ey’amagezi,+Naye omusirusiru ayolesa obusirusiru bwe.+ 17  Omubaka omubi agwa mu mitawaana,+Naye omubaka omwesigwa aleeta ebirungi.+ 18  Atafaayo ku kubuulirirwa ayavuwala era aswala,Naye akkiriza okugololwa* agulumizibwa.+ 19  Ekyegombebwa bwe kifunibwa kisanyusa omuntu,+Naye abasirusiru tebaagalira ddala kulekayo bibi.+ 20  Omuntu atambula n’ab’amagezi naye ajja kuba wa magezi,+Naye oyo akolagana n’abasirusiru ajja kugwa mu mitawaana.+ 21  Aboonoonyi ebizibu bibalondoola,+Naye abatuukirivu bafuna ebirungi.+ 22  Omuntu omulungi alekera bazzukulu be eby’obusika,Naye obugagga bw’ababi buterekerwa batuukirivu.+ 23  Ennimiro z’abaavu zibala emmere nnyingi,Naye eyinza* okutwalibwa olw’obutali bwenkanya. 24  Atakwatira mwana we muggo* aba tamwagala,+Naye oyo amwagala, anyiikira* okumukangavvula.+ 25  Omutuukirivu alya n’akkuta,+Naye embuto z’ababi tezibaamu kantu.+

Obugambo Obuli Wansi

Oba, “ng’agololwa.”
Oba, “eyeefuga mu by’ayogera.”
Obut., “ajja kugejja.”
Obut., “tebawulirayo abanenya.”
Obut., “kisanyuka.”
Oba, “abateesa.”
Oba, “Eby’obugagga ebiva mu butaliimu.”
Obut., “by’akuŋŋaanya n’engalo.”
Oba, “Essuubi.”
Oba, “ekigambo.”
Oba, “Etteeka ly’omuntu.”
Oba, “okuwabulwa.”
Oba, “ayinza.”
Oba, “Atakangavvula mwana we; atabonereza mwana we.”
Era kiyinza okuvvuunulwa, “ayanguwa.”