Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

2 Ebyomumirembe Eky’Okubiri 22:1-12

EBIRIMU

  • Akaziya, kabaka wa Yuda (1-9)

  • Asaliya yeddiza entebe y’obwakabaka (10-12)

22  Awo abantu b’omu Yerusaalemi ne bafuula Akaziya* omwana we asembayo obuto kabaka mu kifo kye, kubanga ekibinja ky’abazigu ekyajja n’Abawalabu mu lusiisira, kyatta abaana be bonna abakulu.+ Bw’atyo Akaziya mutabani wa Yekolaamu n’atandika okufuga nga kabaka wa Yuda.+  Akaziya yalina emyaka 22 we yafuukira kabaka, era yafugira omwaka gumu mu Yerusaalemi. Nnyina yali ayitibwa Asaliya+ muzzukulu* wa Omuli.+  Era naye yatambulira mu makubo g’ab’ennyumba ya Akabu+ kubanga nnyina ye yamuwanga amagezi okukola ebintu ebibi.  Yakola ebintu ebibi mu maaso ga Yakuwa ng’ab’ennyumba ya Akabu bwe baakola, kubanga kitaawe bwe yafa, ab’ennyumba ya Akabu be baamuwanga amagezi era ne gamuviirako okuzikirira.  Ate era yakolera ku magezi ge baamuwa n’agenda ne Yekolaamu mutabani wa Akabu kabaka wa Isirayiri okulwanyisa Kazayeeri+ kabaka wa Busuuli e Lamosi-gireyaadi,+ era eyo abalasi gye baalasiza Yekolaamu.  Awo Yekolaamu n’addayo e Yezuleeri+ awone ebisago bye baamutuusaako ng’ali e Laama bwe yali alwanyisa Kabaka Kazayeeri owa Busuuli.+ Akaziya* mutabani wa Yekolaamu+ kabaka wa Yuda n’agenda e Yezuleeri okulaba Yekolaamu+ mutabani wa Akabu olw’okuba yali atuusiddwako ebisago.*+  Naye Katonda yaleetera Akaziya okufa, Akaziya bwe yagenda okukyalira Yekolaamu. Era bwe yatuukayo n’agenda ne Yekolaamu eri Yeeku+ muzzukulu* wa Nimusi Yakuwa gwe yali afuseeko amafuta okuzikiriza ennyumba ya Akabu.+  Yeeku bwe yali atuukiriza omusango ogwali gusaliddwa ennyumba ya Akabu, n’asanga abaami ba Yuda n’abaana ba baganda ba Akaziya, abaweereza ba Akaziya, n’abatta.+  N’anoonya ne Akaziya; ne bamukwatira e Samaliya gye yali yeekwese, ne bamuleeta eri Yeeku. Ne bamutta era ne bamuziika,+ kubanga baagamba nti: “Muzzukulu wa Yekosafaati eyanoonya Yakuwa n’omutima gwe gwonna.”+ Tewaali n’omu mu nnyumba ya Akaziya eyali asobola okufuga nga kabaka. 10  Asaliya+ nnyina wa Akaziya bwe yalaba nga mutabani we afudde, n’atta abaana ba kabaka bonna ab’ennyumba ya Yuda.+ 11  Kyokka Yekosabeyaasi muwala wa kabaka yaggya Yekowaasi+ mutabani wa Akaziya mu baana ba kabaka abaali bagenda okuttibwa, n’amutwala mu bubba, ye n’omulezi we n’abateeka mu kisenge ekisulwamu. Yekosabeyaasi muwala wa Kabaka Yekolaamu+ (yali muka Yekoyaada+ kabona era nga mwannyina wa Akaziya) yasobola okumukweka Asaliya, bw’atyo n’atamutta.+ 12  Omwana oyo n’abeera nabo okumala emyaka mukaaga ng’akwekeddwa mu nnyumba ya Katonda ow’amazima, nga Asaliya afuga eggwanga.

Obugambo Obuli Wansi

Ono ye Yekoyakazi ayogerwako mu 21:17.
Obut., “muwala.”
Mu mizingo egimu egy’Olwebbulaniya ayitibwa “Azaliya.”
Oba, “yali mulwadde.”
Obut., “mutabani.”