Buuka ogende ku bubaka obulimu

Buuka ogende awalagibwa ebirimu

Abajulirwa ba Yakuwa

Londa olulimi Luganda

1 Samwiri 28:1-25

EBIRIMU

  • Sawulo agenda ew’omulaguzi mu Eni-doli (1-25)

28  Mu nnaku ezo Abafirisuuti baakuŋŋaanya amagye gaabwe okulwanyisa Isirayiri.+ Awo Akisi n’agamba Dawudi nti: “Ndowooza okimanyi nti ggwe n’abasajja bo mujja kugenda nange mu lutalo.”+  Dawudi n’addamu Akisi nti: “Oteekwa okuba ng’omanyi omuweereza wo ky’ajja okukola.” Akisi n’agamba Dawudi nti: “Eyo ye nsonga lwaki nja kukulonda obeere omukuumi wange ow’enkalakkalira.”*+  Mu kiseera ekyo Samwiri yali amaze okufa, era Abayisirayiri bonna baali bamukungubagidde era nga bamuziise e Laama mu kibuga ky’ewaabwe.+ Sawulo yali agobye mu Isirayiri abalubaale n’abalaguzi.+  Awo Abafirisuuti ne bakuŋŋaana ne bagenda ne basiisira e Sunemu,+ ne Sawulo n’akuŋŋaanya Abayisirayiri bonna ne basiisira e Girubowa.+  Sawulo bwe yalaba eggye ly’Abafirisuuti n’atya nnyo.+  Newakubadde Sawulo yeebuuzanga ku Yakuwa,+ Yakuwa teyamuddangamu, wadde okuyitira mu birooto, oba Ulimu,+ oba mu bannabbi.  Sawulo kwe kugamba abaweereza be nti: “Munnoonyeze omukazi omulubaale+ ŋŋende mmwebuuzeeko.” Abaweereza be ne bamuddamu nti: “Mu Eni-doli+ waliyo omukazi omulubaale.”  Awo Sawulo n’ayambala ebyambalo ebirala baleme okumutegeera, n’agenda n’abasajja be babiri eri omukazi oyo ekiro, n’amugamba nti: “Nkwegayiridde, ndagula ng’okozesa amaanyi go ag’obulaguzi+ era onnyimusize gwe nnaakugamba.”  Naye omukazi n’amugamba nti: “Omanyi bulungi Sawulo kye yakola; yagoba mu nsi abalubaale n’abalaguzi.+ Kale lwaki ogezaako okunsuula mu mutego okunzisa?”+ 10  Awo Sawulo n’amulayirira mu linnya lya Yakuwa ng’agamba nti: “Nga Yakuwa bw’ali omulamu, tojja kubaako musango olw’okukola kino!” 11  Awo omukazi n’amubuuza nti: “Ani gwe mba nkuyimusiza?” Sawulo n’amuddamu nti: “Nnyimusiza Samwiri.” 12  Omukazi bwe yalaba “Samwiri”*+ n’aleekaana nnyo, n’agamba Sawulo nti: “Lwaki onnimbye? Ggwe Sawulo!” 13  Kabaka n’amugamba nti: “Totya, naye kiki ky’olaba?” Omukazi n’agamba Sawulo nti: “Ndaba alinga katonda ng’ava mu ttaka ayambuka.” 14  Awo Sawulo n’amubuuza nti: “Afaanana atya?” Omukazi n’amuddamu nti: “Musajja mukadde y’ayambuka, era ayambadde ekizibaawo ekitaliiko mikono.”+ Awo Sawulo n’akitegeera nti oyo “Samwiri,” n’avunnama era ne yeeyala wansi. 15  “Samwiri” n’abuuza Sawulo nti: “Lwaki ontawaanyizza n’onnyimusa?” Sawulo n’addamu nti: “Ndi mu buzibu bwa maanyi. Abafirisuuti bannwanyisa, ate nga Katonda anjabulidde, era takyanziramu ng’ayitira mu bannabbi wadde mu birooto;+ eyo ye nsonga lwaki nkuyise ombuulire kye mba nkola.”+ 16  “Samwiri” n’amugamba nti: “Lwaki onneebuuzaako, nga Yakuwa akwabulidde+ era ng’afuuse mulabe wo? 17  Yakuwa ajja kukola ekyo kye yayogera okuyitira mu nze: Yakuwa ajja kuggya obwakabaka mu mukono gwo abuwe omu ku basajja banno, Dawudi.+ 18  Kino Yakuwa akikukola leero olw’okuba tewagondera ddoboozi lya Yakuwa, era olw’okuba tewayoleka busungu bwe eri Abamaleki.+ 19  Ate era ggwe n’Abayisirayiri Yakuwa ajja kubawaayo mu mukono gw’Abafirisuuti,+ era enkya ggwe+ ne batabani bo+ mujja kuba nange. Yakuwa ajja kuwaayo n’eggye lya Isirayiri mu mukono gw’Abafirisuuti.”+ 20  Awo Sawulo n’agwa wansi era n’atya nnyo olw’ebigambo bya “Samwiri.” Yaggweramu ddala amaanyi, olw’okuba yali talidde mmere emisana n’ekiro kyonna. 21  Omukazi bwe yagenda Sawulo we yali n’alaba ng’atidde nnyo, n’amugamba nti: “Laba, omuweereza wo akugondedde, era ntadde obulamu bwange mu kabi+ ne nkola ky’oŋŋambye. 22  Kaakano nkwegayiridde wuliriza omuweereza wo ky’agamba. Ka nkuwe omugaati, olye oddemu amaanyi otambule ogende.” 23  Naye Sawulo n’agaana, n’agamba nti: “Sijja kulya.” Kyokka abaweereza be awamu n’omukazi oyo ne bamukubiriza okulya, era kyaddaaki yawuliriza eddoboozi lyabwe, n’ava wansi n’atuula ku kitanda. 24  Omukazi yalina ennyana engevvu mu nnyumba; awo n’ayanguwa n’agitta,* n’addira obuwunga n’abukanda, n’abufumbamu emigaati egitali mizimbulukuse, 25  n’abiwa Sawulo n’abaweereza be, ne balya. Oluvannyuma ne bayimuka ne bagenda ekiro ekyo.+

Obugambo Obuli Wansi

Obut., “omukuumi w’omutwe gwange ennaku zonna.”
Oba, “eyali afaanana nga Samwiri.”
Oba, “n’agisaddaaka.”