Buuka ogende ku bubaka obulimu

Buuka ogende awali menu entono

Buuka ogende awalagibwa ebirimu

Abajulirwa ba Yakuwa

Luganda

Bayibuli Eri ku Mukutu Gwaffe | ENKYUSA EY'ENSI EMPYA EY'EBYAWANDIIKIBWA EBITUKUVU

1 Bassekabaka 13:1-34

EBIRIMU

  • Obunnabbi obukwata ku kyoto eky’e Beseri (1-10)

    • Ekyoto kyabulukukamu (5)

  • Omusajja wa Katonda ataali muwulize (11-34)

13  Awo omusajja wa Katonda ow’amazima+ n’ava mu Yuda n’ajja e Beseri nga Yakuwa bwe yali amulagidde. Mu kiseera ekyo, Yerobowaamu yali ayimiridde okumpi n’ekyoto+ okunyookereza omukka gwa ssaddaaka.  Awo omusajja wa Katonda ow’amazima n’ayogera ebyali bigenda okutuuka ku kyoto nga Yakuwa bwe yali amulagidde, n’agamba nti: “Kyoto ggwe, kyoto ggwe! Bw’ati Yakuwa bw’agamba: ‘Laba! Ennyumba ya Dawudi erizaalirwa omwana ow’obulenzi ayitibwa Yosiya!+ Ku ggwe kw’aliweerayo bakabona ab’ebifo ebigulumivu abakunyookererezaako omukka gwa ssaddaaka, era ajja kukwokyerako amagumba g’abantu.’”+  Ku lunaku olwo, yawa akabonero ng’agamba nti: “Kano ke kabonero Yakuwa k’awadde: Laba! Ekyoto kijja kwabulukukamu, era evvu* erikiriko lijja kuyiika.”  Kabaka Yerobowaamu olwawulira ebigambo omusajja wa Katonda ow’amazima bye yayogera ku kyoto mu Beseri, n’amugololera omukono gwe ogwali ku kyoto n’agamba nti: “Mumukwate!”+ Amangu ago omukono gwe yali amugololedde ne gukakanyala* n’aba nga takyasobola kuguzzaayo.+  Awo ekyoto ne kyabulukukamu, evvu eryakiriko ne liyiika, ng’akabonero bwe kaali Yakuwa ke yali awadde omusajja wa Katonda ow’amazima.  Awo kabaka n’agamba omusajja wa Katonda ow’amazima nti: “Weegayirire Yakuwa Katonda wo, era nsabira, omukono gwange guwone.”+ Awo omusajja wa Katonda ow’amazima ne yeegayirira Yakuwa, omukono gwa kabaka ne guwona era ne guddawo nga bwe gwali.  Kabaka n’agamba omusajja wa Katonda ow’amazima nti: “Tugende ffembi eka olye ku mmere era nkuwe n’ekirabo.”  Naye omusajja wa Katonda ow’amazima n’agamba kabaka nti: “Ne bw’onompa ekimu eky’okubiri eky’ebintu byo byonna, sijja kugenda naawe, era sijja kulya mmere wadde okunywa amazzi mu kifo kino.  Kubanga Yakuwa yandagidde nti, ‘Tolya mmere wadde okunywa amazzi, era toddira mu kkubo lye wayiseemu ng’ogendayo.’” 10  Awo n’ayita mu kkubo eddala, n’ataddirayo mu kkubo lye yali ayiseemu ng’ajja e Beseri. 11  Waaliwo nnabbi omukadde eyali abeera mu Beseri, era batabani be bajja ne bamubuulira byonna omusajja wa Katonda ow’amazima bye yali akoze mu Beseri ku lunaku olwo, n’ebyo bye yali agambye kabaka. Bwe baamala okubibuulira kitaabwe, 12  kitaabwe n’ababuuza nti: “Akutte kkubo ki?” Batabani be ne bamulaga ekkubo omusajja wa Katonda ow’amazima eyava mu Yuda lye yali akutte. 13  N’agamba batabani be nti: “Munteekere amatandiiko ku ndogoyi.” Ne bamuteekera amatandiiko ku ndogoyi n’agyebagala. 14  Awo n’agoberera omusajja wa Katonda ow’amazima n’amusanga ng’atudde wansi w’omuti omunene. N’amubuuza nti: “Ggwe musajja wa Katonda ow’amazima eyava mu Yuda?”+ N’amuddamu nti: “Ye nze.” 15  N’amugamba nti: “Jjangu tugende ffembi eka olye ku mmere.” 16  Naye n’amuddamu nti: “Siyinza kuddayo naawe wadde okujja ewuwo gy’ompise, era siyinza kulya mmere wadde okunywa amazzi mu kifo kino. 17  Kubanga Yakuwa yandagidde nti, ‘Tolyayo mmere wadde okunywayo amazzi. Toddirayo mu kkubo lye wayiseemu ng’ojja.’” 18  Awo n’amugamba nti: “Nange ndi nnabbi nga ggwe, era Yakuwa yalagidde malayika n’aŋŋamba nti, ‘Mukomyewo ajje mu nnyumba yo alye ku mmere era anywe ne ku mazzi.’” (Yali amulimba.) 19  N’addayo naye n’alya ku mmere era n’anywa ku mazzi mu nnyumba ye. 20  Awo bwe baali nga batudde ku mmeeza, ekigambo kya Yakuwa ne kijjira nnabbi eyamukomyawo, 21  n’agamba omusajja wa Katonda ow’amazima eyava mu Yuda nti, “Bw’ati Yakuwa bw’agamba: ‘Olw’okuba wajeemedde ekiragiro kya Yakuwa era n’otakwata tteeka Yakuwa Katonda wo lye yakuwa, 22  naye n’oddayo n’olya emmere era n’onywa amazzi mu kifo kye walagirwa nti, “Tolyayo mmere wadde okunywayo amazzi,” omulambo gwo teguliziikibwa ku biggya bya bajjajjaabo.’”+ 23  Omusajja wa Katonda ow’amazima bwe yamala okulya emmere n’okunywa, nnabbi omukadde n’ateeka amatandiiko ku ndogoyi ya nnabbi gwe yali akomezzaawo. 24  Awo n’akwata ekkubo n’agenda, naye empologoma n’emusanga mu kkubo n’emutta,+ omulambo gwe ne gugaŋŋalama mu kkubo, era endogoyi n’eyimirira okumpi nagwo; empologoma nayo yali eyimiridde okumpi n’omulambo. 25  Awo abantu abaali bayitawo bwe baalaba omulambo nga gugaŋŋalamye mu kkubo, nga n’empologoma eyimiridde okumpi nagwo, ne bagenda ne babuulira abantu ab’omu kibuga nnabbi omukadde mwe yabeeranga. 26  Nnabbi eyamusanga mu kkubo n’amukomyawo bwe yakiwulira, n’agamba nti: “Oyo ye musajja wa Katonda ow’amazima eyajeemedde ekiragiro kya Yakuwa.+ Yakuwa amuwaddeyo eri empologoma n’emutaagulataagula n’emutta, nga Yakuwa bwe yamugamba.”+ 27  N’agamba batabani be nti: “Munteekere amatandiiko ku ndogoyi.” Ne bagamuteekerako. 28  Awo n’agenda n’asanga omulambo nga gusuuliddwa mu kkubo, ng’endogoyi n’empologoma biyimiridde okumpi nagwo. Empologoma yali tegulidde era nga tetaaguddetaagudde ndogoyi. 29  Nnabbi n’asitula omulambo gw’omusajja wa Katonda ow’amazima n’aguteeka ku ndogoyi n’akomawo nagwo mu kibuga, okumukungubagira n’okumuziika. 30  N’ateeka omulambo gwe mu ntaana eyiye kennyini, ne bakaaba nga bagamba nti: “Kitalo nnyo, muganda wange!” 31  Bwe yamala okumuziika n’agamba batabani be nti: “Bwe ndifa, munziikanga mu kifo omusajja wa Katonda ow’amazima mw’aziikiddwa. Muteekanga amagumba gange okumpi n’amagumba ge.+ 32  Ebigambo Yakuwa bye yamulagira okwogera ku kyoto mu Beseri n’ennyumba zonna ez’okusinzizaamu eziri ku bifo ebigulumivu+ mu bibuga bya Samaliya, tebirirema kutuukirira.”+ 33  Wadde ng’ebyo byonna byali bimaze okubaawo, Yerobowaamu teyava mu kkubo lye ebbi, naye yeeyongera okulonda bakabona ab’ebifo ebigulumivu ng’abaggya mu bantu aba bulijjo.+ Omuntu yenna eyayagalanga okuba kabona ng’amufuula kabona,* ng’agamba nti: “K’abeere omu ku bakabona b’ebifo ebigulumivu.”+ 34  Ekibi ekyo kye kyaviirako ab’ennyumba ya Yerobowaamu+ okuzikirizibwa n’okusaanyizibwawo ddala ku nsi.+

Obugambo Obuli Wansi

Laba obugambo obuli wansi ku Kuv 27:3.
Oba, “gusannyalala.”
Obut., “ng’ajjuza omukono gwe.”