Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Sa Bafu Ncancinencine Balaakubuka?

Sa Bafu Ncancinencine Balaakubuka?

Sa inga mwaamba ayi . . .

  • ee?

  • taawu?

  • mpashi?

 BAIBO ILAAMBA AYI

“Balaakubuka kuswa kubafu.”—Milimo ya Batumwi 24:15, The Bible in Lenje.

MBWEENGA MWACAFWIKWA NA MWASHIBA AYI BAFU BALAAKUBUKA

Inga mwacafwikwa na mukwanu wafwa.—2 Bene Kolinto 1:3, 4.

Inga mwaanguluka kukulonda lufu.—Bene Ebulu 2:15.

Inga mwaba alulangilo lwa ncinencine lwa kubonana abakwabanu boonse bafwite.—Joni 5:28, 29.

 SA INGA TWASHOMA NSHOYAAMBA BAIBO?

Ee, ceebo ca milandu iyi yotatwe:

  • Lesa ngo Mulengi wa buumi. Baibo ileeta Yehova ayi “kantupu kapa buumi.” (Kulumbaisha 36:9; Milimo ya Batumwi 17:24, 25) Wakapa buumi ku shilengwa shoonse inga wacikoonsha kubusha muntu ufwite.

  • Ciindi ca kwisule Lesa wakabusha bakalinga kufwite. Baibo ilaamba pa bantu bosanwe abotatwe (8) bakabushikwa pa cishi—banike, banene, basankwa, a banakashi. Bamwi bakalinga kufwite pa ciindi ciniinibo, ono umwi wakalinga mu cuumbwe pa nshiku shone!—Joni 11:39-44.

  • Lesa ulisuni abuumbi kubusha bafwite. Yehova ulipatite abuumbi lufu; ulalubona ayi ngu mulwani. (1 Bene Kolinto 15:26) Ulisuni abuumbi kukoma mulwani uyu, kukushaawo lufu kwiinda mu kubusha bafwite. Ulisuni abuumbi kubusha baabo mbaanuka mu ciibalusho cakwe ayi bakakale pa cishi alimwi.—Jobo 14:14, 15.

 SHAKUYEEYAWO

Ino tulacembelelanshi akufwa?

Baibo ilakumbula mwiipusho uyo pa MATALIKILO 3:17-19 a BENE LOMA 5:12.