Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Ino Mulayeeya ayi Cishi Cilaakuba Buyani Kunembo?

Ino Mulayeeya ayi Cishi Cilaakuba Buyani Kunembo?

Sa shintu pa cishi . . .

  • shinanoobabo bweenka bulya?

  • shilaakubicilaako?

  • shilaakubota?

 BAIBO ILAAMBA AYI

“Lesa. . . ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa mukwiinga shikulukulu shoonse shashimingana.”—Ciyubululo 21:3, 4, The Bible in Lenje.

MBWEENGA MWACAFWIKWA NA MWASHIBA AYI SHINTU SHILAAKUBOTA

Mulaakuba amilimo isangalasha.—Isaya 65:21-23.

Teshi mukanoociswa nabi kuba amapensho ali oonse.—Isaya 25:8; 33:24.

Mulaakuba abuumi butamaani alimwi mulaakunosangalala pantu pomwi abamukowa ababyaanu.—Kulumbaisha 37:11, 29.

 SA INGA TWASHOMA NSHOYAAMBA BAIBO?

Ee, ceebo ca milandu iyi yobilo:

  • Lesa ulicite nkusu sha kucita shoonse nshaakalasha. Mu Baibo, Yehova Lesa eenka ngowiitwa ayi ‘Shinkusu shoonse,’ mukwiinga nkusu shakwe tashimaniiwo. (Ciyubululo 15:3) Paceebo ceeco, inga wakonsha kubotesha shintu shoonse pa cishi kweelana ambwaakalasha. Baibo ilaamba ayi, “shoonse shintu shilakonsheka kuli Lesa.”—Mateyo 19:26.

  • Lesa ulisuni abuumbi kucita nshaakalasha. Yehova ulisuni abuumbi kubusha bafu.—Jobo 14:14, 15.

    Baibo ilatoondesha kwaamba ayi Mwanaakwe Lesa, Yesu wakashilika balwashi. Ino wakacitilanshi boobo? Ceebo wakalinga kusuni abuumbi. (Maako 1:40, 41) Yesu wakalinga kukosha mibo yaba Ishi yakusuna abuumbi kucafwa bapengete.—Joni 14:9.

    Aboobo, nga twashoma kwaamba ayi Yehova a Yesu balisuni ayi tukanosangalala kunembo!—Kulumbaisha 72:12-14; 145:16; 2 Pita 3:9.

 SHAKUYEEYAWO

Ino Lesa ulaakubotesha buyani shintu pa cishi?

Baibo ilakumbula mwiipusho uyo pali MATEYO 6:9, 10 a DANYELO 2:44.