Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Ino Nshiinshi Nshomuyeeya Pali Baibo?

Ino Nshiinshi Nshomuyeeya Pali Baibo?

Sa inga mwaamba ayi . . .

  • ndi buku lya busongo bwa bantu?

  • ndi buku lya makani akalekale atashibikitwe na ngancinencine?

  • ndi buku lyakaswa kuli Lesa?

 BAIBO ILAAMBA AYI

“Malembo akwe Lesa oonse akayubululwa anguwe mwiine.”—2 Timoti 3:16, The Bible in Lenje.

MBWEENGA MWACAFWIKWA NA MWASHIBA AYI BAIBO YAKASWA KULI LESA

Inga mwacana mikumbulo ya miipusho ipensha baanji mu bukaalo.—Tushimpi 2:1-5.

Inga mwacana kutangililwa kwa ncinencine mu bukaalo.—Kulumbaisha 119:105.

Inga mwacana lulangilo lwa ncinencine lwa kunembo.—Bene Loma 15:4.

 SA INGA TWASHOMA NSHOYAAMBA BAIBO?

Ee, ceebo ca milandu iyi yotatwe:

  • Kunyumfwana kukondelesha abuumbi. Basankwa 40 bapusenepusene bakamanisha kulemba Baibo ndipakeenda myaaka 1,600. Baanji pali baaba tabana kubonanaawo. Nacibi boobo, Baibo ndi buku linyumfwana abuumbi, alimwi lilicitebo mutwi womwi!

  • Lyaashi lya kalekale lya lushinisho. Beshikulemba lyashi lya kalekale balashisa kukomwa kwa bantu babo. Ono bakalemba Baibo balo bakalemba pa shilubo shabo asha ba mu mushobo wabo.—2 Makani 36:15, 16; Kulumbaisha 51:1-4.

  • Bulaluki bulaba bwa ncinencine. Baibo yakaamba pa kunyonyoolwa kwa mushi wa Babiloni wa kalekale kakuli myaaka 200 kunembo. (Isaya 13:17-22) Yakaambila limwi liina lya muntu ngwaakasebensesha kuunyonyoola alimwi anshila njaakasebensesha pa kuunyonyola!—Isaya 45:1-3.

    Bulaluki bumwi buunji bwa mu Baibo bwakacitika kweelana ashoonse nsheyakaamba. Ici tacikwe citukankamike mukwiinga Baibo yakaswa kuli Lesa.—2 Pita 1:21.

 SHAKUYEEYAWO

Ino Baibo inga yamucafwa buyani kuba abukaalo bubotu?

Baibo ilakumbula mwiipusho uyo pali ISAYA 48:17, 18 a 2 TIMOTI 3:16, 17.