Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Ino Ngani Weendelesha Cishi?

Ino Ngani Weendelesha Cishi?

Sa mutoyeeya ayi . . .

  • ngu Lesa?

  • mbantu?

  • nabi Sataana?

 BAIBO ILAAMBA AYI

“Boonse batokweendeleshekwa a Mubiibi.”—1 Joni 5:19

“Mwanaakwe Lesa wakeshita mukunyonyoola sheeshi sheenka shicita Mubiibi.”—1 Joni 3:8, The Bible in Lenje.

MBWEENGA MWACAFWIKWA NA MWASHIBA UTOKWEENDELESHA CISHI

Inga mwanyumfwishisha cilengesha ayi mube mapensho mu cishi.—Ciyubululo 12:12.

Inga camupa mulandu wa kushoma ayi shintu shilaakuba kabotu mu cishi.—1 Joni 2:17.

 SA INGA TWASHOMA NSHOYAAMBA BAIBO?

Ee, ceebo ca milandu iyi yotatwe:

  • Bweendeleshi bwakwe Sataana bulaakukomwa. Yehova ulayandisha kukushaawo bweendeleshi bwakwe Sataana. Lesa ulashomesha ayi ‘ulaakunyonyoola mubiibi’ akukushaawo shoonse nshaakanyonyoola.—Bene Ebulu 2:14.

  • Lesa wakasala Yesu Klistu kwaamba ayi endeleshe cishi. Yesu ulishiyene abuumbi ashikweendelesha cishi wa cecino ciindi mukali, ucitabo nshaasuni mwiine. Lesa wakashomesha kwaamba ayi mu kweendelesha kwakwe Yesu: ‘Abo balefukite abakandu ulaakubanyumfwila nkumbu . . . Ulaakubapulusha kuswa ku bantu babalyatilila akubaabo bakali.’—Kulumbaisha 72:13, 14.

  • Lesa taabeciiwo sobwe. Baibo ilaamba ayi: “Lesa inga taabeciiwo.” (Bene Ebulu 6:18) Lesa na washomesha kucita cintu, ncomwibo anga wacita kale! (Isaya 55:10, 11) ‘Mweendeleshi wa panshi pano ulaakukomwa.’—Joni 12:31.

 SHAKUYEEYAWO

Ino cishi cilaakuba buyani na utokweendelesha bakamukusheewo?

Baibo ilakumbula mwiipusho uyo pa KULUMBAISHA 37:10, 11 a CIYUBULULO 21:3, 4.