Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Ino Kupenga Kulaakumana?

Ino Kupenga Kulaakumana?

Sa inga mwaamba ayi . . .

  • ee?

  • taawu?

  • mpashi?

 BAIBO ILAAMBA AYI

“Lesa . . ulaakubakunkumuna minsonshi yoonse. Lufu teshi lukabeeko alimwi. Teshi kukabe buumba, kulila nabi kunyumfwa kucisa.”—Ciyubululo 21:3, 4, The Bible in Lenje.

MBWEENGA MWACAFWIKWA NA MWASHIBA AYI KUPENGA KULAAKUMANA

Inga mwashinisha kwaamba ayi Lesa teshi ngoolengesha ayi tunoopenga.—Jemusi 1:13.

Inga mwasangalala na mwashiba ayi Lesa ulatunyumfwila nkumbu nditutopenga.—Sekaliya 2:8.

Inga mwaba alulangilo kwaamba ayi kupenga koonse kulaakumana.—Kulumbaisha 37:9-11.

 SA INGA TWASHOMA NSHOYAAMBA BAIBO?

Ee, ceebo ca milandu iyi yobilo:

  • Lesa ulipatite kupenga akutalulama. Amuyeeye Yehova Lesa mbwaakanyumfwa ciindi bantu bakwe ndibakalinga kupenshekwa abuumbi. Baibo ilaamba ayi wakalinga kubanyumfwila nkumbu ceebo “bakalinga kutongela mumaansa abaabo bakalinga kubapensha akubalyatilila.”—Boomboloshi 2:18.

    Lesa ulipatite buumbi abo bapensha babyabo. Aboobo, Baibo ilaamba ayi “maansa atila bulowa bwa bantu batacite mulandu” alamufundoosha ku moyo Lesa.—Tushimpi 6:16, 17.

  • Lesa ulatulama soonse womwi awomwi. Ncakwiila muntu womwi awomwi ulishi “lipensho lyakwe acimucisa” alakwe Yehova ulishi bweenka ubo!2 Makani 6:29, 30, New World Translation.

    Onoonobo, Yehova ulaakusebensesha Bwaami bwakwe kukushaawo kupenga koonse kwa muntu womwi awomwi. (Mateyo 6:9, 10) Pacecino ciindi, ulatoondesha nkumbu kuli baabo bayanda kucafwikwa anguwe.—Milimo ya Batumwi 17:27; 2 Bene Kolinto 1:3, 4.

 SHAKUYEEYAWO

Nceebo nshi Lesa ncaasuminishisha kupenga?

Baibo ilakumbula mwiipusho uyo pa BENE LOMA 5:12 a 2 PITA 3:9.