Amuye ku shebo

Amuye ku shebo shimwi shiliimo

Bakamboni Bakwe Yehova

Cilenje

Ino Inga Twaba Buyani Amukowa Usangalete?

Ino Inga Twaba Buyani Amukowa Usangalete?

Sa mutoyeeya ayi tulyeelete kuba . . .

  • alusuno?

  • abubile?

  • nabi shintu shimwi?

 BAIBO ILAAMBA AYI

“Bacite coolwe cinene mbaabo banyumfwa maswi akwe Lesa akucita mbwaamba!”—Luka 11:28, The Bible in Lenje.

MBWEENGA MWACAFWIKWA NA MUTOCITA NSHOYAAMBA BAIBO

Inga mwaba alusuno lwa ncinencine.—Bene Efeso 5:28, 29.

Inga mwaba abulemu bwa ncinencine.—Bene Efeso 5:33.

Inga mwacana kucatana kwa ncinencine.—Maako 10:6-9.

 SA INGA TWASHOMA NSHOYAAMBA BAIBO?

Ee, ceebo ca milandu iyi yobilo:

  • Lesa ngowakootalika mukowa. Baibo ilaamba ayi kuli Yehova Lesa, “mukowa woonse . . . nkookusha liina”. (Bene Efeso 3:14, 15) Inga twaamba ayi, kuli mukowa mukwiinga Yehova ngowakootalika. Kushiba ayi Lesa ngowakatalika mukowa inga kwamucafwa buyani?

    Amuciyeeye: Na mwalya shakulya nshobateleka kabotu ono mutaanda kushiba mbobashiteleka, inga mweepusha baani? Tatukwe tutoonshe ayi inga mweepusha wateleka.

    Ncomwibo amukowa, na mutaanda kushiba mbweenga mwaba amukowa usangalete mulyeelete kucita nshaamba Yehova wakootalika.—Matalikilo 2:18-24.

  • Lesa ulamulama. Mikowa ilyeelete kucita nshaamba Yehova kwiinda muli Baibo. Ino nceebo nshi? “Ceebo ngoomulama.” (1 Pita 5:6, 7) Yehova ulisuni ayi shintu shinomweendela kabotu, alimwi milawo yakwe ilasebensa lyoonse!—Tushimpi 3:5, 6; Isaya 48:17, 18.

 SHAKUYEEYAWO

Ino beebene nabi bashali inga baba buyani amibo ibotu?

Baibo ilakumbula mwiipusho uyo pa BENE EFESO 5:1, 2 a BENE KOLOSE 3:18-21.