Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Mulakonsha Kusangalala Mumukwashi Wanu

 Lubasu 5

Mbweenga Mwekala Muluumuno Abeshikamukowa

Mbweenga Mwekala Muluumuno Abeshikamukowa

“Mulyeelete kuba . . . beshinkumbu, baliceesha, balibombya akuba bantu bacata myoyo.”—Bene Kolose 3:12

Bantu na beebana ingayi bapanga mukwashi. Nacibi kwaamba ayi mulyeelete kutolelela kusuna akulemeka bashali banu, mbomweebenaabo mbobacindeme abuumbi kuli ndimwe. Beshikamukowa bamwi inga tabacisuminiwo ico. Njiisho shamu Baibo inga shamucafwa kutababo kulubasu lomwi, sombi kweelanya kwaamba ayi mube muluumuno abeshikamukowa banu alimwi akutolelela kuyumya cikwati canu.

 1 AMUBIKILE MAANO KU BESHIKAMUKOWA BANU

BAIBO ILAAMBA AYI: “Lemeka baiso abanyoko.” (Bene Efeso 6:2) Nabi mukomene buyani mulyeelete kulemeka bashali banu lyoonse. Mulyeelete kushiba ayi mbomweebenaabo abalo balyeelete kubikila maano ku bashali babo. “Lusuno talupi munyono,” aboobo tamweelete kunyumfwa bubi na mbomweebenaabo kabanyumfwana abeshikamukowa babo.—1 Bene Kolinto 13:4; Bene Galatiya 5:26.

NSHEENGA MWACITA:

  • Mutanokwaambila mbomweebenaabo ayi, “Beshikamukowa banu lyoonse balansuula” nabi kwaamba ayi “banyinawanu tabakondwiwo anshooncita”

  • Amubone shintu bweenka mbobashibona mbomweebenaabo

 2 AMUYUME NA KACIYANDIKA

BAIBO ILAAMBA AYI: “Musankwa ulaakushiya baishi abanyina akupaankana amukaakwe, lyalo balaakuba mubili womwi.” (Mateyo 19:6) Na mweeba nabi kweebwa, bashali banu inga kababona anga bacicite nkusu pali ndimwe, alimwi inga kabasuni kulibikaamo mushitocitika mucikwati canu.

Cili kuli ndimwe ambomweebenaabo kusuminishanya mpobeelete kweela bashali banu pa makani acikwati, kuswa waawo mulyeelete kubashibisha calusuno. Inga mwabaambila kwakubula kwiinda mweela sombi mubulemu. (Tushimpi 15:1) Kuliceesha, kulibombya, alimwi akukomenya moyo inga shamucafwa kuyumya bushicibusa bwanu abeshikamukowa, akutolelela “kulekelelana kwiinda mulusuno.” —Bene Efeso 4:2.

NSHEENGA MWACITA:

  • Na beshikamukowa batolibikamo mushitocitika mucikwati canu, mulyeelete kubandikishanya ambomweebenaabo kamutana kukalala

  • Amunyumfwane mbweenga mwacita kwaamba ayi mumanishe makani aya