Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Shikumbulo Kumiipusho ili 10 Bacanike Njobepusha

 MWIIPUSHO 4

Ino Inga Ndashilulamika Buyani Shilubo Shangu?

Ino Inga Ndashilulamika Buyani Shilubo Shangu?

MULANDU MWIIPUSHO UYU NCOSUNIKI

Na wacita cilubo, cili kabotu kusumina mukwiinga ici cilaakukucafwa kuba muntu ubikila maano kushintu alimwi ushomeka.

INO INGA WACITA BUYANI?

Yeeya bukalo ubu: Ndyatosekana ababye, Tim wawaala boola lyalo yaya mukupwaya wiindo yaŋanda yabene.

Na ndiwe Tim, ino inga wacita buyani?

IMIKANA AKUYEEYA!

KULI SHINTU SHOTATWE NSHEENGA WASALA KUCITA:

  1. Kucica.

  2. Kubekesha mubyo.

  3. Kubalwita bene baŋanda ncewacita, akusumina kulipila mulandu ngowapanga.

Inga waba amuyeeyo wakusala Nshila ya A. Sombi cili kabotu kusumina na wacita cilubo—inga caba ayi wapwaya wiindo nabi cintu cimwibo.

 MILANDU YOTATWE NJOWEELETE KUSUMININA SHILUBO SHAKO

  1. Ncecintu ciluleme kucita.

    Baibo ilaamba ayi: “Tulisuni kucita shiluleme ciindi coonse.”—Bene Ebulu 13:18.

  2. Liinji bantu balalekelela baabo basumina shilubo shabo.

    Baibo ilaamba ayi: “Uyo ushisa shibiibi shakwe tabiiwo acoolwe, sombi uyo ulyaambilila shibiibi shakwe akushileka, ulaakulekelelwa.”—Tushimpi 28:13.

  3. Kwiinda shoonse, cilasangalasha Lesa.

    Baibo ilaamba ayi: “Lesa ulipatite muntu utaluleme, sombi balo baluleme ulanyumfwanaabo.”—Tushimpi 3:32.

Karina, ucite myaaka 20, wakeelesha kusisa baishi kapepa kamulandu wakucicisha motoka. Sombi taana kukashisa kwa ciindi cilaamfu. Karina wakaamba ayi “Ndyepakeendabo mwaaka womwi, bata bakakacana kapepa kamulandu wakucicisha motoka kapalembetwe aliina lyangu. Ndakanjila mumapensho aneene abuumbi!”

Ciiyo? Karina wakaamba ayi: “Kusisa na walubya kulalengeshabo kwaamba ayi shintu shibicileeko. Nabi peende ciindi cilaamfu buyani ulyeelete kuulipila mulandu!”

MBWEENGA WEEYA KUSHILUBO SHAKO

Baibo ilaamba ayi: “Soonse tulabisha mushintu shiinji.” (Jemusi 3:2, maswi amweela) Alimwi kweelana ambotwabona, na muntu wasumina kulubya, ncitondesho cakwaamba ayi ulaliceesha alimwi ulishimpite mumiyeeyo—alimwi na wacita boobo peenka apo.

Citokonkawo nkwiiya kushilubo shako. Mwanakashi wacanike waliina lya Vela wakaamba ayi: “Ndelesha kubona nsheenga ndeeyawo pashilubo shangu alimwi ambweenga shancafwa kuba muntu uli kabotu akweelesha kwaamba ayi ntakacibooshiwo lyobilo.” Atubone mbweenga wacita boobo.

Atwaambe ayi wabweleka ncinga yabaiso akuinyonyoola. Ino inga wacita buyani?

  • Kuumunabo akulangila ayi baiso teshi bashibe.

  • Kubalwita shancine shacitika.

  • Kulwiita baiso shacitika sombi kupa mulandu muntu umwi.

Na wafeela kucikolo pamulandu wakwaamba ayi tawalinga kubelenga. Ino inga wacitaanshi?

  • Kupa mulandu meelesho.

  • Kusumina kwaamba ayi toona kubikilakobo maano omwiine.

  • Kubekesha batica ayi tabakusuniibo.

Kwiindilisha kunoyeeya shilubo shakale kale kuli anga ngumuntu utokweensha motoka kalangite muligilasi yamotoka itotondesha shintu shili kwisule

 Ono bona makani ngotwabandika peculu apa, alimwi akuyeeya ayi (1) ndiwe baiso (2) batica. Ino baiso alimwi abatica inga bakuyeeyela buyani na wasumina shilubo shako? Ino inga bakuyeeyela buyani na wakaka kusumina shilubo shako?

Ono yeeya cilubo ncowakacita mwaaka wamana alimwi akukumbula miipusho itokonkaawo.

Ino cakalinga cilubonshi? Ino wakacita buyani?

  • Ndakasisa.

  • Ndakabekesha muntu umwi.

  • Ndakasumina cakufwambaana.

Na toona kusumina nshewakalubisha, ino wakalinyumfwa buyani pesule lyakucita boobo?

  • Kabotu—ndababeca!

  • Cibiibi—nindabalwita cancine.

Ino ninshilanshi ili kabotu, njewakalinga kweelete kusebensesha?

Ino nshiinshi nshewakeeyawo pa cilubo ncewakacita?

INO UTOYEEYA BUYANI?

Ino ngumulandunshi bantu tabasumini na bacita cilubo?

Ino bantu inga bakuyeyelanshi na lyoonse ulisuni kusisa shilubo shako, ono ino inga bakuyeeyela buyani na wasumina shilubo shako?—Luka 16:10.