Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Makani Abotu Kuswa Kuli Lesa!

 CIIYO 1

Ino Makani Abotu Ngali?

Ino Makani Abotu Ngali?

1. Ino nga makani nshi aswa kuli Lesa?

Lesa ulisuni ayi bantu banokala kabasangalete pa cishi. Wakalenga cishi a shilimo shoonse mukwiinga ulisuni bantu. Onoonobo ulaakucita nsheshi shikacafwe bantu kukala kabotu pa cishi kunembo. Ulaakukushawo shoonse shilenga bantu kupenga.—Amubelenge Jelemiya 29:11.

Taakuwo bweendeleshi bwakakonsha kukushawo bubiibi, malwashi, a lufu. Ono kuli makani abotu. Onoono bweendeleshi bwakwe Lesa bulakupyana kweendelesha kwa bantu koonse. Bantu balaakukala mu luumuno alimwi balaakuba abuumi bubotu.—Amubelenge Isaya 25:8; 33:24; Danyelo 2:44.

2. Ino mbulemu nshi makani abotu ngaacite cino ciindi?

Mapenshi alaakumanabo na Lesa akanyonyoole bamucita shibi. (Sefaniya 2:3) Ino ico cilakucitika lili? Maswi akwe Lesa akaamba pa shintu shipensha bantu cino ciindi. Shitocitika cino cindi shilatondesha kwaamba ayi onoonobo Lesa ulaakumana mapenshi.—Amubelenge 2 Timoti 3:1-5.

3. Ino tulyeelete kucita nshi?

Tulyeelete kwiiya shakwe Lesa kwiinda mu Maswi akwe, Baibo. Ili anga ni nkalata kuli ndiswe kuswa kuli ishi usuni baana. Ilatwaambila mbwenga twakala kabotu cino ciindi a kuba acoolwe cakuba abuumi butamaani pa cishi kunembo. Ncancinencine, bantu bamwi teshi bakakondwe na babona ayi mutokwiiya Baibo. Ono mukwiinga Lesa ulashomesha ayi tulakukala kabotu, tatwelete kubanyumfwila na batukasha.—Amubelenge Tushimpi 29:25; Ciyubululo 14:6, 7.