Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Ino Mbaani Batoocita Kuyanda Kwakwe Yehova Munshiku Shino?

 CIIYO 11

Ino Nceebonshi Tulaya Kumabungano Anene?

Ino Nceebonshi Tulaya Kumabungano Anene?

Mexico

Germany

Botswana

Nicaragua

Italy

Ino ngumulandunshi bantu aba batooboneka basangalete? bali kukubungana Kunene. Bweenka mbuli basebenshi bakwe Lesa bakalekale abo bakaambilwa ayi banoobungana mankanda otatwe mumwaaka, aswebo tulalangila kubungana pantu pomwi mumabungano anene. (Dutolonomi 16:16) Tulaba amabungano anene otatwe mumwaaka: Kubungana kwalubasu kwa bushiku bomwi, kucitwa mankanda obilo mumwaaka, akubungana kunene kwa nshiku shotatwe. Ino mabungano aya alatucafwa buyani?

Alayumya bushicibusa bwesu abashominyineesu. Bweenka mbuli bene Isilaeli mbobakalinga kusangalala kulumbaisha Yehova ndyebakalinga kubungana, aswebo tulasangalala ndyetubungana pantu pomwi kumabungano alibetele. (Kulumbaisha 26:12, 111:1) Mabungano aya alatupa coolwe cakushibana aBakamboni baswa mumabungano amwi na mumisena ipusenepusene. Paciindi cakookesha, soonse tulalita pantu pomwi pamusena wakubunganinaako, alimwi kucita boobo kulatupa lusangalalo. (Milimo ya Batumwi 2:42) Pakubungana uku tulabona lusuno lucatanya ‘ciinga coonse cabakwesu’ pacishi coonse.—1 Pita 2:17, NWT.

Alatucafwa kuya panembo lwakumushimu. Kusansulula kabotu Malembo kwakacafwa bene Isilaeli kwanyumfwisha. (Neyemiya 8:8, 12) Aswebo tulalumba lwiiyo lwamu Baibo ndotutambula kumabungano esu anene. Mutwi wa pulogilamu ili yoonse ulaswa muMalembo. Tuleeya mbweenga twacita kuyanda kwakwe Lesa mubuumi bwesu kwiinda mushitondesho, makani asangalasha alimwi amakani akushiilana. Cilatuyuminisha abuumbi kwiiya sha Beneklistunyineesu mbobatoocikonsha kukoma mapensho amunshiku shino shikatasha. Shisekano shiba kumabungano anene, shilatucafwa kubona makani amuBaibo kuba ancine alimwi atwiisha shintu sheenga shatucafwa. Pakubungana kunene kulikoonse, kulaba akubombekwa kwabaabo basuni kutondesha kulyaaba kwabo kuli Lesa.

  • Ino nceebonshi mabungano esu anene alasangalasha?

  • Ino inga mwacafwikwa buyani na mwacanika kumabungano anene?