Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Ino Mbaani Batoocita Kuyanda Kwakwe Yehova Munshiku Shino?

 CIIYO 18

Ino Tulabacafwa Buyani Bamakwesu Bali Mumapensho?

Ino Tulabacafwa Buyani Bamakwesu Bali Mumapensho?

Dominican Republic

Japan

Haiti

Na kwacitika mapensho anene, cakufwambaana Bakamboni Bakwe Yehova balalibambila kwaamba ayi bacafwe bamakwabo abo bacitikilwa mapensho. Nciito shamushobo uyu shilatondesha ayi balicite lusuno lwancinencine ku umwi amubye. (Joni 13:34, 35; 1 Joni 3:17, 18) Ino bamakwesu tulabacafwa buyani?

Tulapa Maali Mukuliyandila. Ciindi ndyekwakalinga nsala kuJudeya Beneklistu bakutaanguna baku Antyoki bakatuma maali kubashominyinaabo. (Milimo ya Batumwi 11:27-30) Aswebo na twanyumfwa ayi bashominyineesu mushishi shimwi bali mumapensho, tulasonka shintu shipusenepusene kwiinda mulibungano motubete kwaamba ayi bakape baabo bali mumapensho anene.—2 Bene Kolinto 8:13-15.

Tulapa lucafwo. Bamanene bali kumusena uko kwacitika mapensho, balalangoola kubete bamulibungano akushiba na boonse mpobali alimwi na balibo kabotu. Komiti ibona sha baabo bali mumapensho ilasebensela pomwi abamakwesu bamwi kwaamba ayi bacanine bamakwesu bali mumapensho shintu mbuli shakulya, maanshi akunwa abotu, shakufwala, kupa misamu baciswa, apakoona. Bakamboni baanji bacishi ncito isho shikonsha kucafwa na kwaba mapensho, balasebensesha maali abo kuya kumusena kwacitika mapensho mukubamba maanda abamakwesu alimwi aMaanda aBwaami akanyonyooka. Lucatano lucanika mulibunga lyesu alimwi alushibo ndotwacana kwiinda mukusebensela pantu pomwi lulatucafwa kufwambaana kucana lucafwo ndobayandika bamakwesu. Nabi kwaamba ayi tulacafwilisha baabo bali mulikoto lya bashomi tulacafwa abamwi na kacikonsheka, teshi mulandu ankobapaila.—Bene Galatiya 6:10.

Tulabapa lucafwo lwakumushimu alwamumiyeeyo. Abo bacitikilwa mapensho balisuniki kuyuminishikwa. Muciindi mbuli ceeci, tulacana nkusu kuswa kuli Yehova, “Ishiwesu shinkumbu uyo utucafwa.” (2 Bene Kolinto 1:3, 4) Tulabandika shishomesho shamu Baibo kubaabo bacitikilwa mapensho, kuyumya lushomo lwabo mushishomesho sha kwaamba ayi onoonobo Bwaami bwakwe Lesa bulaakumanisha kucisa alimwi akupenga.—Ciyubululo 21:4.

  • Ino ngumulandunshi Bakamboni balafwambaana kupa lucafwo na kwaba mapensho?

  • Ino abo bacitikilwa mapensho, inga twabayuminisha buyani lwakumushimu?