Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Ino Mbaani Batoocita Kuyanda Kwakwe Yehova Munshiku Shino?

 CIIYO 17

Ino Bamatanjilili Balubasu Balatucafwa Buyani?

Ino Bamatanjilili Balubasu Balatucafwa Buyani?

Malawi

Kabunga kancito

Incito ya mumuunda

Kubungana kwabamanene

Malembo aBeneklistu aCigiliki alaambawo mankanda aanji pali Banabasi alimwi amutumwi Paulo. Basankwa aba bakalinga kusebensa mbuli bamatanjilili beshi kweendenda, kuya bufwakashila mabungano akutaanguna. Ino nceebonshi? Bakalinga kucite lusuno lwakuyumya lushomo lwa bamakwesu. Paulo wakaamba ayi wakalinga kusuni ‘kuboolela kuya mukubona bamakwabesu’ mbobakalinga kushiite. Wakalyaaba kweenda makilomita aanji kwaamba ayi akayumye bamakwabesu. (Milimo ya Batumwi 15:36) Abalo bamatanjilili balubasu munshiku shino balafwakasha kwaamba ayi batuyuminishe.

Balesa mukutuyuminisha. Mutanjilili walubasu uli woonse ulafwakashila mabungano ashika ku 20 na kwiindaawo, nsondo ansondo mankanda obilo pamwaaka. Inga twacafwikwa abuumbi kwiinda mulushibo lwabamakwesu aba alimwi alwabamakaabo na kabeebete. Balelesha kushiba bacanike alimwi abacinene, alimwi balakondwa kuya andiswe muncito yakushimikila alimwi akushiiyo shesu sha Baibo. Bamatanjilili balubasu balacita bweembeshi abamanene, akutuyuminisha kwiinda mumakani ngobaamba mulibungano alimwi akumabungano anene.—Milimo ya Batumwi 15:35.

Balabikila maano muntu uli woonse. Bamatanjilili balubasu balisuni kushiba libungano mbolitosebensa lwakumushimu. Balabungana abamanene alimwi a basebenshi bacafwilisha kwaamba ayi babone kuya panembo kwa libungano akubalwita sheenga shabacafwa kusebensa kabotu mikuli njebacite. Balacafwa bapainiya kwaamba ayi banosebensa kabotu muncito yabo, balasangalala kushiba bacoonono mbobatooya panembo lwakumushimu. Womwi awomwi wabamakwesu aba ulalyaaba mbuli ‘musebenshima mukucafwa ndiswe.’ (2 Bene Kolinto 8:23) Tulyeelete kukonkela lushomo alimwi akulyaaba kwabo muncito yakwe Lesa.—Bene Ebulu 13:7.

  • Ino bamatanjilili balubasu balafwakashila nshi mabungano?

  • Ino inga mwacafwikwa buyani ciindi ndyebafwakashila libungano?