Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Ino Mbaani Batoocita Kuyanda Kwakwe Yehova Munshiku Shino?

 CIIYO 20

Ino Likoto Litanjilila Lilasebensa Buyani Munshiku Shino?

Ino Likoto Litanjilila Lilasebensa Buyani Munshiku Shino?

Likoto litanjilila muciindi ca batumwi

Batobelenga nkalata yaswa kulikoto litanjilila

Muciindi ca Beneklistu bakutaanguna, likoto liniinibo lya ‘batumwi abamanene kuJelusalemu,’ mbobakalinga mulikoto litanjilila akusala shakucita isho Beneklistu boonse bananikitwe nshobakalinga kukonkela. (Milimo ya Batumwi 15:2) Kwaamba ayi basuminishanye pacintu comwi, bakalinga kubandikishanya kuswa muMalembo, alimwi akutanjililwa amushimu wakwe Lesa. (Milimo ya Batumwi 15:25) Amunshiku shino Likoto Litanjilila mbolisebensa.

Lesa utosebensesha Likoto Litanjilila kucita kuyanda kwakwe. Bakwesu bamu Likoto Litanjilila balisuni abuumbi Maswi akwe Lesa alimwi balicite lushibo lwa makani ancito mboyeelete kweendeleshekwa alimwi ashintu shimwi shakumushimu. Balabungana nsondo ansondo kwaamba ayi babandike shitoyandika kubashominyineesu pacishi coonse. Bweenka mbuli muciindi ca Beneklistu bakutaanguna, sheelete kukonkelwa shiswa muBaibo shilapekwa kwiinda mumakalata na mubatanjilili balubasu alimwi anshila shimwi. Ici cacafwa bantu bakwe Lesa kuba bacatene mushintu nshobayeeya alimwi anshobacita. (Milimo ya Batumwi 16:4, 5) Bamu Likoto Litanjilila mbobabona sha ncito icafwa bantu kwiiya pali Lesa akutuyuminisha abuumbi kushimikila sha Bwaami, alimwi mbobabona sha ncito ya kusala bamakwesu beelela kupekwa mikuli mulibungano.

Balatanjililwa amushimu wakwe Lesa ndyebatoocita shintu. Bamulikoto Litanjilila balalanga kuli Yehova Shinkusu shoonse alimwi aYesu munene wa libungano kwaamba ayi abatanjilile. (1 Bene Kolinto 11:3; Bene Efeso 5:23) Bakwesu bamu Likoto Litanjilila tabaliboni kuba bamatanjilili babantu bakwe Lesa. Balo pomwi a Beneklistu bananikitwe boonse, “Balakonkela Mwanaambelele [Yesu] kuli koonse nkwaaya.” (Ciyubululo 14:4) Bamu Likoto Litanjilila balalumba abuumbi na katubapaililaako.

  • Ino mbaani bakalinga mulikoto litanjilila muciindi ca batumwi?

  • Ino Likoto Litanjilila munshiku shino lilakonkela buyani butanjilishi bakwe Lesa?