Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Amuyiishe bana banu

 CIIYO 13

Timoti wakalinga kusuni kucafwa bantu

Timoti wakalinga kusuni kucafwa bantu

Timoti wakalinga mwanike wakalinga kusangalala kucafwa bantu. Wakeenda mumisena iinji kuya cicafwilisha bantu. Kucita sheshi kwakalengesha ayi abe abuumi busangalasha. Sa ulisuni kushiba mbocakalinga?—

Banyina abankambiyakwe Timoti bakamuyiisha pali Yehova

Timoti wakakulila mumushi wiitwa ayi Lisitila. Ndyaakalinga muniini, bankambiyakwe ba Loisi abanyina ba Yunisi bakatalika kumuyiisha pali Yehova. Timoti ndyaakalinga kukula wakalinga kusuni kucafwa bantu kwiiya pali Yehova.

Timoti kaacili mwanike, Paulo wakamusenga na inga waya anguwe mukushimikila mumisena ipusenepusene. Timoti wakasumina ayi: ‘Ee!’ Wakalinga kulibambite kucafwa bantu.

 Timoti wakaya aPaulo ku Makedoniya mumushi wa Tesalonika. Pakuya ku Tesalonika, bakeenda mushinso ulaamfu panshi kuswawaawo ndyebakatanta bwato. Ndyebakashika bakacafwa bantu baanji kwiiya pali Yehova. Sombi bamwi bakakalala akuyanda kubooma. Aboobo Paulo aTimoti bakaswako akuya mukushimikila kumisena imwi.

Timoti wakaba abuumi busangalasha

Ndipakeenda myeenshi, Paulo wakaambila Timoti ayi aboolele ku Tesalonika mukubona bamakwabesu mbobakalinga. Timoti wakalinga kweelete kuyuma kuboolela kumushi ulya uloondesha! Sombi Timoti wakaya mukwiinga wakalinga kusuni kushiba mbobakalinga kusebensa bamakwabesu. Ndyaakabolela wakaleta makani abotu kuli Paulo. Bamakwabesu ku Tesalonika bakalinga kusebensabo kabotu!

Timoti wakasebensa a Paulo kwa myaaka iinji. Paulo wakaambawo ayi Timoti wakalinga muntu mubotu ngwakalinga kweelete kutuma kwaamba ayi akacafwe shoonde. Timoti wakalinga kucite lusuno pali Yehova abantu.

Sa ulisuni bantu akusuna kubacafwa kwiiya pali Yehova?— Na koosuni bantu, ulaakuba abuumi busangalasha bweenka mbuli Timoti!

BELENGA MUBAIBO YAKO

  • 2 Timoti 1:5; 3:15

  • Milimo ya Batumwi 16:1-5; 17:1-10

  • 1 Bene Tesalonika 3:2-7

  • Bene Filipi 2:19-22