Amuye ku shebo

Amuye ku shebo shimwi shiliimo

Amuye pa mitwi iliimo

Bakamboni Bakwe Yehova

Cilenje

Amuboolele Kuli Yehova

 LUBASU 3

Kubikila Cakumoyo—Na Bamwi ‘Batubishisha’

Kubikila Cakumoyo—Na Bamwi ‘Batubishisha’

“Nankashi mulibungano lyesu wakambekesha ayi ndamwiipila maali. Bamwi mulibungano bakaanyumfwa makani ayo akutalika kusuminisha ayi ncancine ndime ndakeepa maali. Ndipakeenda ciindi cakesa mukushibikwa ayi teshi ndime ndakeepa maali. Nabi kwaamba ayi wakesa mukusenga ayi mulekelele, cakancisa abuumbi cakwaamba ayi ndakalinga kunyumfwa ayi teshi nkamulekelelewo.”—baLinda.

SA amwebo mulalinyumfwa bweenka mbuli baLinda, bakakalashikwa abamwi mulibungano? Cabicawo ncakwaamba ayi bamwi na bakalashikwa ashacita bashominyinaabo balaboolela mwisule kushintu shakumushimu. Sa amwebo nsheshakamucitikila ishi?

Sa Kuli Muntu Weenga ‘Watupansaanya Alusuno Lwakwe Lesa’?

Ncakwiila, kulekelela mushominyineesu na watubishisha teshi cuubu sobwe. Mukwiinga beneklistu balyeelete kuba alusuno ku umwi amubye. (Joni 13:34, 35) Cilacisa abuumbi na mushominyineesu ngowatubishisha.Kulumbaisha 55:12.

Ncakwiila, Baibo ilatondesha ayi cimwi ciindi Beneklistu balakonsha ‘kubishishanya.’ (Bene Kolose 3:13) Nacibi boobo, na shatucitikila, inga catushupa kushiba nshetweelete kucita. Sa kuli ceenga catucafwa? Atubone njiisho shotatwe shamu Baibo:

Ishiwesu Wesu Wakwiculu ulicishi shoonse. Yehova ulabona shoonse shitucitikila, kubikawo amapensho ali oonse ngweenga twacana. (Bene Ebulu 4:13) Kwilikawo pasheeshi, Yehova ulatunyumfwila nkumbu na katupenga. (Isaya 63:9) Talekeleliiwo “Mapensho na makatasho na cintu cimwi cili coonse—nabi musebenshi wakwe umwi—‘kutupansaanya alusuno lwakwe Lesa.’ (Loma 8:35, 38, 39) Sa inga taciboti na aswebo twacita bweenka mbuli Yehova, kwiinda mukutalekelela cilicoonse na muntu uli woonse kutupansaanya a Yehova?

Kulekelela tacaambi kusuminisha cibiibi. Na twalekelela baabo bakatubishisha, tacaambi ayi nshebakacita shakalinga kabotu, na kwaamba ayi twasuminisha shibiibi nshebakacita. Mutaluubi kwaamba ayi Yehova tasuminishi bubi, nacibi boobo na muntu walilekelela, Yehova ulanyumfwa nkumbu akumulekelela. (Kulumbaisha 103:12, 13; Abakuku. 1:13) Na Yehova watuyuminisha kulekelela bamwi, nkokwaamba utotwiisha kucita mbwacita. ‘Bukali bwakwe bulamana.’Kulumbaisha 103:9; Mateyo 6:14.

Tulacana mpindu na twalekelela bamwi. Ino munshila anshi? Atuyeeye kwaamba ayi, mwanyamuna libwe lilemu paniini. Inga mwacikonsha kucita boobo kwaciindi ciniini. Ino inga caba buyani na mwalinyamuna kwaciindi cilaamfu? Inga mwacikonsha ciindi cilaamfu buyani—mamineti? woola lyomwi? na kwiindaawo? Cakutatoonsha, lyaansa lilakonsha kulema! Ncakwiila, kulema kwa libwe takwaaluki. Sombi kulinyamuna ciindi cilaamfu inga kwamulemya. Ici mbocibete na muntu wabikila cakumoyo. Na twabikila cintu kumoyo kwaciindi cilaamfu—nabi ciniini buyani—tulalicisa abuumbi sobeene. Anu ngomulandu Yehova ulatuyuminisha ayi tatweelete kubikila cakumoyo. Ncakwiila tulacana mpindu na twalekelela bamwi.Tushimpi 11:17.

Tulacana mpindu na twalekelela bamwi

“Ndakanyumfwa Anga Yehova Mwiine Utokwaamba Andime”

Ino nciinshi cakacafwa baLinda kwaamba ayi batabikili cakumoyo ndyebakakalashikwa amushominyinaabo? Cintu comwi pasheesho shakabacafwa nkuyeeya Malembo aamba sha makani akulekelelana. (Kulumbaisha 130:3, 4) Cabacafwa abuumbi baLinda nkushiba kwaamba ayi na twalekelela bamwi alakwe Yehova ulatulekelela. (Bene Efeso 4:32–5:2) Kushiba sheeshi kwakalengesha baLinda kwaamba ayi: “Ndakanyumfwa anga Yehova mwiine utokwaamba andime.”

Mukuya kwaciindi baLinda bakacileka kubikila cakumoyo. Bakamulekelela nankashi, alimwi pacecino ciindi ngushicibusa ngobasuni abuumbi. BaLinda beendilisha kusebensela Yehova. Amushome kwaamba ayi Yehova ulisuni kumucafwa kwaamba amwebo mucite bweenka mbuli baLinda.